Sathyan Anthikkad Speaks
Photo Courtesy: Vijay George
സത്യന് അന്തിക്കാട് തിരക്കഥ എഴുതി സംവിധാനം ചെയ്യുന്ന ചിത്രത്തിന്റെ ഷൂട്ടിങ് വടക്കാഞ്ചേരിക്ക് സമീപമുള്ള പോത്തുണ്ടി ഡാം സൈറ്റിനടുത്ത് തുടങ്ങി. ദിലീപ് നായകനാകുന്ന ഈ ചിത്രത്തില് തമിഴ്നാട്ടില് നിന്നെത്തിയ കവിതയാണ് നായിക. ചിത്രഭൂമിക്കു വേണ്ടി ബൈജു പി. സെന് സത്യന് അന്തിക്കാടുമായി സംസാരിച്ചപ്പോള്:പുതിയ ചിത്രത്തിന്റെ പേരിനേക്കുറിച്ച്...
ടൈറ്റിലിന് അല്പം ടൈറ്റാണ്. പല പത്രക്കാരും ഇതു പബ്ലിസിറ്റിക്കു വേണ്ടിയുള്ള ട്രിക്കാണെന്നാണ് ധരിക്കുന്നത്. ചിത്രം ഷൂട്ട് ചെയ്തുകൊണ്ടിരിക്കുമ്പോഴാണ് പലപ്പോഴും നല്ല പേരുകള് കിട്ടുന്നത്. ചിത്രത്തിന്റെ തുടക്കത്തില് ഒരു പേരിട്ട് പിന്നീട് നല്ല പേരു വന്നാല് ടെന്ഷനാകും. അതുകൊണ്ടാണ് ആ ചിന്ത അവസാനത്തേക്കു മാറ്റി വയ്ക്കുന്നത്.
ചിത്രത്തേക്കുറിച്ച്...
ഒരു സാധാരണ കുടുംബത്തിന്റെ വിശേഷങ്ങള് പുതുമയോടെ ഒരുക്കാനാണ് ശ്രമം. ആ സബ്ജക്റ്റില് ചില കാലികപ്രശ്നങ്ങള് കൂടി ഉള്പ്പെടുത്താന് ശ്രമിക്കുന്നുണ്ട്. ദിലീപിന്റെ മറ്റെല്ലാ ഇമേജുകളും മാറ്റി നിര്ത്തി, തികച്ചും സാധാരണക്കാരനായ കഥാപാത്രത്തെയാണ് നല്കിയിരിക്കുന്നത്. സാധാരണക്കാരന്റെ ധര്മസങ്കടങ്ങള്, അതാണ് ഞാന് സെലക്റ്റ് ചെയ്തത്.
(ഡാം സൈറ്റിന്റെ പശ്ചാത്തലത്തിലാണ് ഈ ചിത്രം ഒരുക്കിയിരിക്കുന്നത്. ഡാം സൈറ്റ് എന്ജിനീയര് ഷാജി രാഘവന് എന്ന കഥാപാത്രത്തെയാണ് മുകേഷ് അവതരിപ്പിക്കുന്നത്. ഷാജിയുടെ അളിയനായ വിനോദിന്റെ വേഷത്തില് ദിലീപും.
ഷാജി രാഘവന്റെയും ഭാര്യ വിമല(സീത)യുടെയും കൊതി തോന്നിപ്പിക്കുന്ന ജീവിതത്തിലൂടെയാണ് ഈ ചിത്രം തുടങ്ങുന്നത്. ഷാജിയുടെ അനിയത്തി രശ്മി (നോട്ബുക്കിലെ പാര്വതി) അവര്ക്കൊപ്പമുണ്ട്. ഈ സാഹചര്യത്തിലാണ് വിനോദ് ആ കുടുംബത്തിലെത്തുന്നത്. അതൊടെ ആ കുടുംബത്തിന്റെ താളം തെറ്റുന്നു. കൊച്ചു കൊച്ച് അമളികളും തമാശകളുമുള്ള ആ കുടുംബം അഭിമുഖീകരിക്കുന്ന പ്രശ്നങ്ങളാണ് ചിത്രത്തിന്റെ കാതല്.)
ക്യാമറാമാന് എസ്. കുമാറും സത്യന് അന്തിക്കാടും ഈ ചിത്രത്തിലൂടെ ഒന്നിക്കുന്നു. രണ്ടു പേരും മലയാളസിനിമയില് സില്വര് ജൂബിലി പിന്നിട്ടെങ്കിലും തിരക്കു കാരണം ഒന്നിച്ച് പ്രവര്ത്തിക്കാന് കഴിഞ്ഞിട്ടില്ല. അതേക്കുറിച്ച് എസ്. കുമാര്...
പല തവണ ഞങ്ങള് ഒന്നിച്ച് ഒരു പടം ചെയ്യണമെന്ന് കരുതിയതാണ്. പക്ഷേ, പലപ്പോഴും വഴി മാറി പോവുകയായിരുന്നു.
സംഗീതപ്രാധാന്യമുള്ള ഈ ചിത്രത്തില് ഇളയരാജ ഈണം പകര്ന്ന മൂന്ന് ഗാനങ്ങളുണ്ട്. വരികള് വയലാര് ശരത്ചന്ദ്രവര്മയുടേതാണ്.
മൊഴിയറിവില് നിന്ന്...
എന്റര്ടെയ്നറുകള് നിര്മ്മിക്കാന് ചില തിരക്കഥാകൃത്തുക്കള്ക്ക് അറിയില്ല എന്നു തന്നെയാണ് എന്റെ അഭിപ്രായം. സ്വന്തം ദൌര്ബല്യങ്ങള് സംവിധായകരുടെ വേഷം കെട്ടുന്ന തിരക്കഥാകൃത്ത് തിരിച്ചറിയുന്നില്ല.
-മോഹന്ലാല്
തിരക്കഥാകൃത്തുക്കള് സംവിധായകാരാകാന് മുന്നോട്ടു വരുമ്പോള് ഒരു കാര്യം മാത്രമാണ് നിര്മാതാക്കളോടു പറയാനുള്ളത്. ഭ്രാന്തന്മാര് ഉന്മാദത്തോടെ റോഡിലേക്ക് എടുത്തു ചാടാന് നില്ക്കുമ്പോള്, വാഹനം ഓടിക്കുന്നവര് സൂക്ഷിച്ച് സൂക്ഷിച്ച് വണ്ടിയോടിക്കണം.-ടി. എ. റസാക്ക്
ക്ലാസ്മേറ്റ്സ് വന്ഹിറ്റായി. പക്ഷേ, അതിലെ നായകന്മാരെ വച്ച് പടമെടുത്താല് വിതരണത്തിന് ആളെ കിട്ടുന്ന അവസ്ഥയില്ല. അതേസമയം, തമിഴ്നാട്ടിലാണെങ്കില് ആ അഞ്ചു പേരും ഇതിനോടകം സ്വതന്ത്രന്മാരായി ഉയര്ന്നിട്ടുണ്ടാകും.-വിനയന്
RELATED PAGES
» Beyond The Screen
» Sathyan Anthikkad Collection
» Dileep Gallery
0 Comments:
Post a Comment
Please note that anonymous comments may not be approved.
- team indulekha
>> CHANNEL HOME >> INDULEKHA HOME