Abraham Verghese

'വാഷിങ്ടൺ പോസ്റ്റ്' തിരഞ്ഞെടുത്ത 2023-ലെ പത്തു മികച്ച പുസ്തകങ്ങളുടെ പട്ടികയിലും 2024-ലെ വൈക്കിങ് അവാർഡ് ഫോർ ഫിക്ഷൻ ചുരുക്കപ്പട്ടികയിലും ഇടം പിടിച്ച ഇന്റർനാഷണൽ ബെസ്റ്റ് സെല്ലർ. 1900 മുതൽ 1977 വരെയുള്ള കാലഘട്ടത്തിൽ, ബ്രിട്ടീഷ് കൊളോണിയലിസത്തിന്റെ പശ്ചാത്തലത്തിൽ മെനഞ്ഞെടുത്ത തിരുവിതാംകൂറിലെ ഒരു ക്രിസ്ത്യൻ കുടുംബത്തിന്റെ മൂന്നു തലമുറകളുടെ കഥയാണ് ദ കവനന്റ് ഓഫ് വാട്ടർ. തിരുവിതാംകൂറിലെ പറമ്പിൽ കുടുംബത്തിനു മേൽ ജലത്തിന്റെ ശാപം പതിച്ചിരിക്കുന്നു. ഈ വലിയ കുടുംബത്തിലെ സന്തതിപരമ്പരകളിലൊരാൾ അതിനു കാരണം തേടി സഞ്ചരിക്കുകയാണ്. ദ കവനന്റ് ഓഫ് വാട്ടർ ജലജന്മങ്ങളുടെയും തലമുറകളുടെയും ഇതിഹാസമാണ്; പോയ നൂറ്റാണ്ടിലെ കേരളത്തിന്റെയും. എ വി ഹരിശങ്കറിന്റെ മികച്ച വിവർത്തനം.