ഒളിവിൽ പാർത്ത കെയ്റോയിൽ നിന്നും ഒരു ദിവസം അദ്ദേഹം തട്ടിക്കൊണ്ടുപോകപ്പെട്ടു, ജയിലിലടയ്ക്കപ്പെട്ടു. ‘വെള്ളത്തിൽ വീണ ഉപ്പ്’ പോലെ അച്ഛൻ അപ്രത്യക്ഷനായതിനെക്കുറിച്ച് മതാർ എഴുതുന്നുണ്ട് – A Month in Sienna എന്ന പുസ്തകത്തെക്കുറിച്ച് കവിത ബാലകൃഷ്ണൻ.
യേശുവിനെ, പിൽക്കാലത്ത് അദ്ദേഹത്തിനു മേൽ വന്നുചേർന്ന പുറംകുപ്പായങ്ങളിൽ നിന്നു മുക്തനാക്കി പൂർണമനുഷ്യനായി കാണിക്കുന്നു ഖലീൽ ജിബ്രാൻ. ഓഷോ പറഞ്ഞതുപോലെ, ‘യഥാർത്ഥ യേശുവിനെ അവതരിപ്പിക്കുന്നതിൽ ജിബ്രാൻ വളരെ അടുത്ത് എത്തുന്നുണ്ട് – സുവിശേഷങ്ങൾ എഴുതിയതായി പറയപ്പെടുന്ന നാലു ശിഷ്യരെക്കാൾ അടുത്ത്.’
“അവനവന്റെ ആനന്ദത്തിലേക്ക് എത്രയെത്ര വഴികൾ! അതിലേക്കു വെളിച്ചം കിട്ടാത്തതുകൊണ്ടാണ് ഉറുമ്പുവലിപ്പമുള്ള കാര്യങ്ങളിൽ അഭിരമിച്ചും വേദനിച്ചും നമ്മൾ ഓരോ ദിവസവും കുറിയവരായി തീരുന്നത്. താരകാചർച്ചിതമായ വാനം ഇപ്പോഴും മനുഷ്യരെ ക്ഷണിക്കുന്നുണ്ട്.” – ബോബി ജോസ കട്ടികാടിന്റെ ‘ആനന്ദം’ എന്ന പുസ്തകത്തിൽ നിന്നും
“ഈ പുസ്തകത്തിന്റെ ഓരോ താളിലും മഴയുടെ രാഗം കേൾക്കാം. പല കാലങ്ങളുടെ, ജീവിതങ്ങളുടെ അനുഭവങ്ങളിലൂടെ തുള്ളികളായി പെയ്തിറങ്ങി, പിന്നെയൊരു കൈത്തോടായി, പാഞ്ഞൊഴുകുന്ന പുഴയായി, ആർത്തിരമ്പുന്ന ആഴിയുടെ ആത്മാവു തേടുന്ന മഴ. മഴയെക്കുറിച്ച് ഇത്രമേൽ ഹൃദ്യമായൊരു പുസ്തകം മലയാളത്തിൽ ഇതാദ്യമാണ്” എന്ന് ആദ്യപതിപ്പ് വന്നപ്പോൾ കേരള കൗമുദി എഴുതിയിരുന്നു.
ഒ ചന്തുമേനോൻ എന്ന നോവലിസ്റ്റ് നേടിയത്ര പദവിമൂല്യം ഒന്നുമില്ലാത്ത എഴുത്തുകാരൻ / വായനക്കാരൻ, പിൽക്കാലത്ത് അതു തന്റെ വിധത്തിൽ പൂരണം നടത്തുന്നു. അദ്ദേഹത്തിനു പിന്നാല വന്ന തലമുറ, ചന്തുമേനോനെപ്പോലുള്ള ഒരു മാസ്റ്റർ ഓഥറെ പിന്നീട് വന്ന പൂരണം കൂടെ കണക്കിലെടുത്ത് ഒറ്റപ്പുസ്തകമാക്കുന്നു! – കവിത ബാലകൃഷ്ണൻ എഴുതുന്നു
പുസ്തകം വായിച്ചുതീർന്നപ്പോൾ ഞാൻ ഒരു കണ്ടുപിടിത്തം നടത്തി: രമ്യ എസ് ആനന്ദ് അടിസ്ഥാനപരമായി ഒരു കഥാകൃത്താണ്. കഥാകാരി നടത്തുന്ന യാത്രകളാണ് ഈ പുസ്തകം. യാത്രാവിവരണമല്ല, ചെറുകഥാസമാഹാരവുമല്ല. അതേസമയം ഇതു രണ്ടുമാണ് ഈ വിശിഷ്ടപുസ്തകം. – ‘വഴികളിൽ തെളിയുന്ന മുഖങ്ങളേ’ക്കുറിച്ച് അഷ്ടമൂർത്തി
