Geethavicharam

കെ. വേണു എഴുതിയ ‘ഭഗവദ്ഗീത ഇരുപതാം നൂറ്റാണ്ടിൽ’ എന്ന ലേഖനപരമ്പര 1967-കളിലാണ് കാമ്പിശ്ശേരി കരുണാകരൻ പത്രാധിപരായ ജനയുഗം വാരികയിൽ പ്രസിദ്ധീകരിച്ചു വന്നത്. കെ. വേണുവിന്റെ അറിവും യുക്തിബോധവും സമ്മേളിക്കുന്ന ആ ലേഖനപരമ്പരയുടെ പുസ്തകരൂപമാണ് ‘ഗീതാവിചാരം’.

പ്രാചീനചിന്തകരുടെ യുക്തിരഹിതമായ തത്ത്വചിന്തയുടെ ഇരുട്ട് ഓരോ ഭാരതീയന്റെയും വ്യക്തിജീവിതത്തെയും സാമൂഹ്യജീവിതത്തെയും സാരമായി സ്വാധീനിക്കുന്നുണ്ട്. ഇത്തരം പ്രശ്നങ്ങളെ ശാസ്ത്രീയമായി വിശകലനം ചെയ്ത് അവയ്ക്കു പരിഹാരം നിർദ്ദേശിക്കുകയും അതിലൂടെ സാമൂഹ്യ-സാംസ്കാരിക പരിവർത്തനത്തിന് വെളിച്ചം പകരുകയും ചെയ്യുക എന്ന ലക്ഷ്യത്തോടെയാണ് ഈ പുസ്തകത്തിന്റെ രചന. ബ്രഹ്മം, പ്രപഞ്ചം, ആത്മാവ്, ജീവൻ, പുനർജന്മം, നിഷ്കാമ കർമം തുടങ്ങിയ വിഷയങ്ങളെ തത്ത്വചിന്താപരമായും ശാസ്ത്രീയമായും പഠിക്കുകയും യുക്തിസഹമായി വിശകലനം ചെയ്യുകയും അതുവഴി ചാതുർവർണ്യം വളർത്തിയ ഭയാശങ്കകളുടെ യുക്തിഹീനതകളെ തുറന്നുകാട്ടുകയുമാണ് ഈ പുസ്തകം.