Nitya Chaitanya Yati

പൊരുളാഴം - നാരായണഗുരുവിന്റെ കൃതികളിലേക്ക് നിത്യ ചൈതന്യയതിയുടെ ധ്യാനതീർത്ഥാടനം. മുനി നാരായണപ്രസാദാണ് എഡിറ്റർ. നാരായണഗുരു ഓരോ കൃതിയും അതിലെ ഓരോ ശ്ലോകവും എഴുതിയത് ധ്യാനപൂർവകമായ ഒരു അന്തർദൃഷ്ടിയോടുകൂടിയാണ്. ഗുരു നിത്യയാകട്ടെ തന്റെ മുമ്പിൽ വന്നിരിക്കുന്ന മനുഷ്യൻ നേരിടുന്ന മാനസികപ്രശ്നത്തിന്റെ ആഴങ്ങളിലേക്ക് കടന്നുചെന്നിട്ട്, അതിനുള്ള ആധ്യാത്മിക പരിഹാരമായി ഗുരുവിന്റെ ഓരോ ശ്ലോകത്തിന്റെയും ധ്യാനാത്മകമായ അന്തർഹൃദയത്തെ ഒരുക്കിക്കാണിക്കുകയാണ് തന്റെ വ്യാഖ്യാനങ്ങളിൽ ചെയ്യുന്നത്. ആത്മോപദേശകശതകത്തിന്റെ കാര്യത്തിൽ ഇത് എടുത്തുകാണുക തന്നെ ചെയ്യാം. ആദ്ധ്യാത്മികതയുടെ പ്രയോജനത്തിന്റെ മറ്റൊരു മുഖമാണ് നാമിവിടെ കാണുന്നത്. മറ്റൊരു തരത്തിൽ പറഞ്ഞാൽ ആദ്ധ്യാത്മികതയുടെ മനഃശാസ്ത്രപരമായ പ്രയോജനമാണ് ഗുരു നിത്യയുടെ രചനകളിൽ കാണാവുന്നത്. പൊരുളാഴത്തിലെ കൃതികളും വ്യാഖ്യാനങ്ങളും - വിനായകാഷ്ടകം, സുബ്രഹ്മണ്യകീർത്തനം, ജനനീനവരത്നമഞ്ജരി, അറിവ്, ദൈവദശകം, ആത്മോപദേശശതകം: നൂറു ധ്യാനങ്ങൾ, ലാവണ്യാനുഭവവും സൗന്ദര്യാനുഭൂതിയും