Vinod Payam

ജീവിതംകൊണ്ട് വിസ്മയങ്ങൾ തീർത്ത ചില മനുഷ്യരുടെ ജീവിതസാക്ഷ്യങ്ങളും നഖചിത്രങ്ങളുമാണ് വിനോദ് പായം ഈ കൃതിയിൽ കോറിയിടുന്നത്. ഇതിൽ മലതുരന്നുപോയ മനുഷ്യനും, പാമ്പുപിടിക്കാനിറങ്ങിയവനും, നന്മയുടെ ചെടികൾ നട്ടുനനച്ചവളും, ഗ്രാമീണ ശാസ്ത്രജ്ഞനും, കറുവയുടെ കാമുകനും, ഭൂപടങ്ങളെ പ്രണയിച്ചവനും, വാസസ്ഥലം തന്നെ ഇന്സ്റ്റലേഷനാക്കിയവരുമൊക്കെയുണ്ട്. ഉച്ചക്കിറുക്ക് എന്നു മറ്റുള്ളവർക്ക് തോന്നുന്ന വ്യവഹാരമണ്ഡലങ്ങളിലാണ് പലപ്പോഴും സർഗ്ഗാത്മകത കുടികൊള്ളുന്നതെന്ന് ഈ ജീവിതങ്ങളിലൂടെ കടന്നുപോകുമ്പോൾ നമുക്ക് മനസ്സിലാവും.