Language | Literature

സമൂഹത്തിന്റെ ഗതിവിഗതികളെ ഒരു സാമൂഹിക ശാസ്‌ത്രജ്ഞന്റെ അകക്കണ്ണോടു കൂടി കാണുന്ന സാഹിത്യവിമർശന സമ്പ്രദായം എം എൻ വിജയന്റെ രചനകളുടെ ഒരു സവിശേഷ ഗുണമാണ്. സമൂഹത്തിന്റെ എല്ലാ ചലനങ്ങളേയും സൂക്ഷ്മമായി അടയാളപ്പെടുത്തുന്ന കാഴ്ചപ്പാടുകൾ ഈ ലേഖനങ്ങളുടെയും പ്രത്യേകതയാണ്.

"കവിതയിലേക്ക് നിങ്ങളെ ഉണർത്താനാണ്, ഉയർത്താനാണ് സജയ് കെ വിയുടെ ഈ കാവ്യപാഠാവലി. ഇതിനേറ്റവും യോഗ്യനായൊരാൾ ഇതു ചെയ്യുന്നു എന്നതാണീ പുസ്തകത്തിന്റെ യോഗ്യത. ഭാവുകത്വമുള്ള ഒരു അധ്യാപകന്റെ സുഖശിക്ഷണം." - കല്പറ്റ നാരായണൻ

1385-നും 1400-നും ഇടയ്ക്കു രചിക്കപ്പെട്ട അതിവിശിഷ്ടമായൊരു കൃതിയാണ് 'ലീലാതിലകം'. ഭാഷയെക്കുറിച്ച് സുവ്യക്തമായ ധാരണകളും ഉന്നതമായ അവബോധവുമുള്ള ഒരു പണ്ഡിതശ്രേഷ്ഠന്‍റെ ദീര്‍ഘകാലത്തെ മനനതപസ്യയുടെ സാക്ഷാത്കാരമാണ് 'ലീലാതിലകം'. ഭാഷയുടെ ഉണ്മയും ഉറവും കൂടാതെ, കാലാന്തരങ്ങളില്‍ ഭാഷയിലുണ്ടായ ആന്തരികവ്യതിയാനങ്ങളും സനിഷ്കര്‍ഷം പഠിച്ചെഴുതിയതാണ് ഈ കൃതി. മനുഷ്യമനസ്സിനെ വിസ്മയഭരിതമാക്കുന്ന ഭാഷാഗവേഷണമാണ് ഗ്രന്ഥകാരന്‍ നടത്തിയിട്ടുള്ളത്. ശില്പങ്ങളായി വിഭജിച്ച്, മണിപ്രവാളത്തിന്‍റെ സാമാന്യസ്വരൂപവും ഭേദങ്ങളും ലക്ഷണങ്ങളും സവിസ്തരം അവതരിപ്പിക്കുന്നു. ഒന്നു മുതല്‍ മൂന്നു വരെ ശില്പങ്ങളാണ് പ്രൊഫ. ഇളം‍കുളം കുഞ്ഞൻ‍പിള്ളയുടെ വ്യാഖ്യാനം സഹിതം ഈ കൃതിയില്‍ ഉള്‍പ്പെടുത്തിയിരിക്കുന്നത്. ഭാഷയുടെ സമൂലവിശകലനം നടത്തുന്ന ഈ കൃതി അദ്ധ്യാപകര്‍ക്കും വിദ്യാര്‍ത്ഥികള്‍ക്കും ഒരുപോലെ പ്രയോജനമാണ്.

ആധുനികോത്തരസാഹിത്യസിദ്ധാന്തങ്ങൾ അനാവരണം ചെയ്ത സാംസ്കാരിക സമസ്യകൾ വിശകലനം ചെയ്യുന്ന പഠനങ്ങളുടെ സമാഹാരം.

കേരളീയ സമൂഹവും മലയാള നോവലും, ആദ്യകാല നോവലുകൾ, നവോത്ഥാന നോവലുകൾ, നവോത്ഥാനന്തരനോവലുകൾ, ആധുനികനോവലുകൾ തുടങ്ങിയ ലേഖനങ്ങളുടെ സമാഹാരം.