letters

ഹൃദയം തുറന്ന് ഒരു മനുഷ്യനോട് പലതും പറയാൻ സാധിക്കുന്നതും അങ്ങനെ പറയുന്നതു കേൾക്കാൻ ഒരാളുണ്ടാവുന്നതും അപൂർവമായി സംഭവിക്കുന്ന ഒന്നാണ്. ഒരേ സമയം തന്നെ ജ്ഞാനിയായും സുഹൃത്തായും അന്വേഷകനായും വഴികാട്ടിയായും മാറാൻ നിമിഷനേരങ്ങൾ മാത്രം മതിയാവുന്ന ഒരു മനുഷ്യനോടാണ് അത്തരത്തിൽ ഇടപെടാൻ സാധിക്കുന്നതെങ്കിലോ? ആ ഭാഗ്യം സിദ്ധിച്ച കുറച്ചു പേർക്ക് നിത്യചൈതന്യയതിയെന്ന ഗുരു പകർന്ന വഴിവെളിച്ചങ്ങളാണ് ഈ കത്തുകളുടെ പുസ്തകം. ഈ കത്തുകൾ വായിക്കുന്നവർക്ക്, തന്നോടാണോ ഇതു പറയുന്നതെന്നു തോന്നുംവിധം കാലാതീതവും പാരമാർത്ഥികവുമായ ദർശനം നിത്യ ഇതിൽ സമന്വയിപ്പിച്ചിട്ടുണ്ട്.