Assorted

കൺമുന്നിലെ ചരിത്രത്തിന്റെ ചിത്രീകരണമാണു മാധ്യമങ്ങൾ ചെയ്യുന്നത്. സമൂഹത്തിനു നേരെ പിടിച്ച കണ്ണാടി. ഈ ചരിത്രം എഴുതുന്നതു മാധ്യമപ്രവർത്തകർ ആണെങ്കിലും ചരിത്രത്തിലൊന്നും അവരുടെ പേരു കാണാറില്ല. ഇതിനൊരപവാദമെന്ന നിലയിലാണ് ഒരു കാലഘട്ടത്തിൽ പത്രപ്രവർത്തനരംഗത്തു നിറഞ്ഞുനിന്ന പ്രശസ്ത പത്രപ്രവർത്തകരെപ്പറ്റി അവരുടെ സഹപ്രവർത്തകർ ഒരു സ്മരണികയുമായി രംഗത്തു വരുന്നത്. അവർ ഇതൊരു നിയോഗമായി എടുത്തു എന്നതുതന്നെ പുതുമ. എഴുതപ്പെട്ടവരെപ്പോലെത്തന്നെ മികച്ച പത്രപ്രവർത്തകർ ആണ് ഇത് എഴുതിയതെന്നതും ശ്രദ്ധേയം. ഇതു വെറും ഓർമക്കുറിപ്പുകളല്ല, പത്രപ്രവർത്തന ചരിത്രത്തിന്റെയും വളർച്ചയുടെയും നാഴികക്കല്ലുകളുടെയും അടയാളപ്പെടുത്തലുകളാണ്.