National Book Stall

കാലനോവുകൾ നിറഞ്ഞ ജീവിതാവസ്ഥകളുടെ വന്യമായൊരിടം ഭയങ്കരാമുടി പങ്കുവയ്ക്കുന്നുണ്ട്. ശിരസ്സുകൾക്കു മീതെ ഉയർന്നുകാണുന്ന കൊടിയടയാളംപോലെ ഭയങ്കരാമുടി നമ്മുടെ തൃഷ്ണകൾക്കുനേരെ കയർക്കുകയും വിഷം ചീറ്റുകയും ചെയ്യുന്നു. മലയാളനോവൽ ചരിത്രത്തിന്റെ വ്യവസ്ഥാപിതനിർവചനങ്ങളെ അട്ടിമറിക്കുന്ന നോവൽ.

കാടിന്‍റെ പൊന്നോമനകളാണ് ഊരാളിമാര്‍. പെറ്റമ്മയായ കാടുവിട്ട്, മറ്റൊരു ലോകം അവര്‍ക്കിന്നും അന്യമാണ്. ഒട്ടേറെ ആചാരങ്ങളും അനുഷ്ഠാനങ്ങളും അവരുടെ ഇടയിലുണ്ട്. ഒപ്പം അന്ധവിശ്വാസങ്ങളും. പുറംലോകത്തിന് ഈ മണ്ണിന്‍റെ മക്കളുടെ കഥയറിയില്ല. അവരുടെ ഇത്തിരിവട്ടത്തിലുള്ള ആശാഭിലാഷങ്ങളുടെ കഥയറിയില്ല. വിചിത്രമായ ആചാരരീതികളിലൂടെ തെന്നിനീങ്ങുന്ന ഊരാളിമാരുടെ ജീവിതമാണ് നാരായന്‍ ഇവിടെ അനാവൃതം ചെയ്യുന്നത്. മനസ്സില്‍ നേര്‍ത്ത നൊമ്പരങ്ങളുണര്‍ത്തുന്ന ശ്രദ്ധേയമായ നോവല്‍.

പാവനമായ സ്നേഹത്തിന്‍റെ ദിവ്യമായ പരിവേഷത്തിൽ രാധയെ ഒരു പൂജാപുഷ്പമായി ആരാധിക്കുന്ന മുരളി. നിത്യബ്രഹ്മചാരിയായി നാടും വീടും വിട്ട് ചിറ്റണ്ട ഗ്രാമത്തിലെത്തിയ മുരളീധരൻ ദാനമായി കിട്ടിയ അഞ്ചേക്കർ ഭൂമിയിൽ സ്വപ്നം വിരിയിച്ചു. അപ്പോഴൊക്കെ ആത്മാവിൽ കൊടുങ്കാറ്റു പോലെ കറങ്ങിക്കൊണ്ടിരിക്കുന്നത് രാധയെക്കുറിച്ചുള്ള മോഹനസ്മരണകളായിരുന്നു. ജീവിതബന്ധങ്ങളുടെയും ദാഹമോഹങ്ങളുടെയും പട്ടുനൂലുകൊണ്ടു മെനഞ്ഞെടുത്ത അതിമനോഹരമായ ഒരു കലാശില്പമാണ് ഉണ്ണികൃഷ്‌ണൻ പുതൂരിന്‍റെ 'വിധിചക്രം'.