Poorna Publications

മലയാള കഥാസാഹിത്യത്തിലെ പ്രഥമഗണനീയരായ ചുരുക്കം ചിലരിൽ അതീവ ശ്രദ്ധയനായിരുന്ന മലയാറ്റൂർ രാമകൃഷ്ണന്റെ തെരഞ്ഞെടുത്ത കഥകള്‍. ഉദാത്തമായ ആദര്‍ശശുദ്ധിയും അടക്കാനാവാത്ത സാമൂഹ്യപരിഷ്‌ക്കരണാഭിമുഖ്യവും മലയാറ്റൂരിന്റെ ഭാവനാപ്രപഞ്ചത്തില്‍ തെളിഞ്ഞു കാണുന്നതോടൊപ്പം കഥ പറച്ചിലിന്റെ നവീനമായ വഴികളെ നമുക്ക്‌ പരിചിതമാക്കുകയും ചെയ്യുന്നു. ഒരേസമയം ആഹ്ലാദദായകവും അസ്വാസ്ഥ്യജനകവും ഒപ്പം പൊട്ടിച്ചിരിപ്പിക്കുന്നതും ചിലപ്പോൾ കൊണ്ടുകയറുന്ന സൂചിമുനപോലെ വേദനിപ്പിക്കുന്നതുമായ കഥയുടെ വിസ്‌തൃതമായ ഒരു ലോകമാണ്‌ ഈ സമാഹാരത്തിലൂടെ ഇതൾ വിരിയുന്നത്‌.

ജീവിതത്തിന്റെ സർവതലങ്ങളെയും അനാവരണം ചെയ്യുന്നതാണ് ഉറൂബിന്റെ കഥാലോകം. മനുഷ്യമനസ്സിന്റെ ആഴങ്ങളിലേക്ക് ഊളിയിട്ടിറങ്ങുന്ന കഥാകൃത്തിന്റെ രചനാപാടവം ആസ്വാദകന് അത്ഭുതത്തോടെ മാത്രമേ കാണാനാകൂ. അതിവിസ്തൃതമായ ഉറൂബിന്റെ കഥാസമ്പത്തിൽ നിന്നു തിരഞ്ഞെടുത്ത 25 കഥകളുടെ സമാഹാരമാണിത് - താമരത്തൊപ്പി, കാക്ക, കൊച്ചുവറീതിന്റെ ബൈബിൾ, സർവേക്കല്ല്, പൂട്ടിയിട്ട വീടുകൾ, ഗ്ലാസ് വിത്ത് കേർ, പട്ടം, മൂടൽമഞ്ഞ്, കൂമ്പെടുക്കുന്ന മണ്ണ്, അമ്മയുടെ സ്വാതന്ത്ര്യം, ഹാജിയുടെ ഹാർട്ട്, മുളകുവള്ളി, പാരുഷ്യം, തുറന്നിട്ട ജാലകം, ഇറ്റാർസിയിലേക്ക് തിരികെ പോകുന്ന വണ്ടി, നനഞ്ഞ സായാഹ്നം, പന്തിരണ്ടാം അധ്യായം, പതിന്നാലാമത്തെ മെമ്പർ, സഖറിയാസ് എന്ന പുണ്യവാളന്റെ കഥ, ഓഡർ ഓഫ് ദ് ഡെ, വലയിൽ കുടുങ്ങിയ മുക്കുവൻ, ഉപകരണം, പച്ചക്കുപ്പായം, ഒരു മരണം തിരിച്ചുപോയി, മഞ്ഞിൻ‍മറയിലെ സൂര്യൻ.