Koodum Koottum

"ധർമം അഥവാ മതം എന്നതിന്റെ അർത്ഥം ഉത്തമ വിശ്വാസമെന്നാണ്, സമർപ്പണം എന്നാണ് , നദിയോടൊപ്പം നീങ്ങിക്കൊണ്ടിരിക്കുക, ദൈവമോടൊപ്പം നീങ്ങിക്കൊണ്ടിരിക്കുക എന്നാണ്. നാം ഈ പ്രപഞ്ചത്തിൽപ്പെട്ടവരാണ്. നാം അന്യരല്ല, ആരും നിങ്ങളുടെ ശത്രുവല്ല, ശത്രു പോലും നിങ്ങളുടെ ശത്രുവല്ല. 'നിങ്ങളുടെ ശത്രുക്കളെ സ്നേഹിക്കുക' എന്ന് യേശു പറയുന്നതിന്റെ പൊരുളാണ് . 'ശത്രു പോലും നിങ്ങളുടെ ശത്രുവല്ല' എന്നാണ് അദ്ദേഹം അതിലൂടെ അർത്ഥമാക്കുന്നത് ; നിങ്ങളയാളെ ശത്രുവായി തെറ്റായി വ്യാഖ്യാനിച്ചിട്ടുണ്ടായിരിക്കണം. അവസാനത്തെ കണക്കുകൂട്ടലിൽ നിങ്ങളുടെ ശത്രുക്കൾ പോലും നിങ്ങളുടെ സുഹ്യത്തുക്കളാണ്. അവർ നിങ്ങൾക്ക് വെല്ലുവിളികൾ നൽകിക്കൊണ്ടിരിക്കുകയായിരുന്നു. അവർ നിങ്ങൾക്ക് വളരുവാനുള്ള സന്ദർഭങ്ങൾ സ്യഷ്ടിച്ചു കൊണ്ടിരിക്കുകയായിരുന്നു." - ഓഷോ

മനുഷ്യഭാവിയേക്കുറിച്ചുള്ള ആശങ്കകളും സ്വപ്നങ്ങളും മാത്രം മുൻ‍നിർത്തിയാണ് സമകാലികലോകത്തിലെ ചില സംഭവവികാസങ്ങളും ആശയധാരകളും ഇവിടെ വിമർശനവിചിന്തനങ്ങൾക്കു വിഷയമാകുന്നത്. മനുഷ്യനും പ്രകൃതിയും ചേർന്നുള്ള സമ്യക്കായ ഒരു ഭാവിയുടെ ചിത്രം തുടർച്ചയായി വിരചിക്കാൻ നമ്മെ സഹായിക്കാത്ത ഒരു മതവും ഒരു രാഷ്ട്രവ്യവസ്ഥയും ഒരു സാമ്പത്തിക-സാമൂഹികക്രമവും മനുഷ്യർക്ക് സ്വീകാര്യമാവരുത്. കരുണാർദ്രവും നീതിപൂർവകവുമായ 'പുതിയ ആകാശവും പുതിയ ഭൂമി'യുമാണ് നമ്മുടെ ദർശനസാരം.