ഒരു പെണ്‍കുട്ടിയുടെ ആത്മഹത്യ സൃഷ്ടിച്ച ആഘാതത്തിന്‍റെ ദുരൂഹതകള്‍ തേടി അവളുടെ കാമുകന്‍ അന്വേഷിച്ചലയുന്ന കഥാപരിസരങ്ങളാണീ നോവല്‍. പൊലീസിന്‍റെയും മനശ്ശാസ്ത്ര വിശകലനങ്ങളുടെയും അറിവിനപ്പുറം ചെന്നെത്തുന്ന പ്രേതകഥകളിലൂടെ വ്യത്യസ്തമായ ഒരു ത്രില്ലര്‍ ഒരുക്കുകയാണ് നോവലിസ്റ്റ്. കറുത്തച്ചന്‍മേട്ടിലെ അരികുവല്‍ക്കരിക്കപ്പെട്ട ആറ് മനുഷ്യരുടെ കൊലപാതകങ്ങള്‍ക്കു പിന്നില്‍ ആരായിരുന്നുവെന്ന ചോദ്യത്തിന് ഉത്തരം തേടി കണ്ടെത്തുന്ന കാണാക്കയങ്ങള്‍ എന്തൊക്കെയാണ്?

ലോകരാഷ്ട്രങ്ങളെയും അവരുടെ ന്യൂക്ളിയർ ആയുധശേഖരത്തെയും മനഃശക്തിയാൽ നിർവീര്യമാക്കിക്കൊണ്ട് ഒരു താപസൻ ഹിമാലയസാനുക്കളിൽ പ്രത്യക്ഷപ്പെടുന്നു. ഒരു പുതിയ ലോകം സൃഷ്ടിക്കാനുള്ള ആ ഭീകരന്റെ അഭിനിവേശവും അയാളെ എതിർക്കുന്ന ഡോ റോയി എന്ന സാഹസികനായ കുറ്റാന്വേഷകന്റെ ബുദ്ധികുശലതയും ഈ നോവലിനു ജീവനേകുന്നു. കുറ്റാന്വേഷണ നോവൽ രചയിതാക്കളിൽ പ്രശസ്തനായിരുന്ന തോമസ് ടി അമ്പാട്ടിന്റെ വ്യത്യസ്ത രചന, ഓപ്പറേഷൻ സൺറെയ്സ്.

വായനക്കാരെ ആകാംഷയുടെ മുൾമുനയിൽ നിർത്തുന്ന എൻ കെ ശശിധരന്റെ ത്രില്ലർ നോവൽ, ഇൻവെസ്റ്റിഗേഷൻ.

ഘാതക് കമാൻഡോ ജയരാമൻ. കാശ്മീരിലെ മഞ്ഞുമലകളിൽ പാക് പടയോടും ലഡാക്കിലെ ഗൽവാനിൽ ചൈനീസ് പട്ടാളത്തോടും പോരാടിയ ധീരൻ. ജയരാമന്റെ സഹോദരൻ ഗോകുൽരാമൻ അപ്രത്യക്ഷനാകുന്നു. വോളൻ്ററി റിട്ടയർമെൻ്റ് എടുത്ത് സഹോദരനെ തേടി കേരളത്തിലെത്തിയ ജയരാമനെതിരെ അണിനിരന്നത് മയക്കുമരുന്നു മാഫിയകളും അധികാര രാഷ്ട്രീയ ക്രിമിനലുകളും ഉദ്യോഗസ്ഥ ദുർഭൂതങ്ങളും ഒന്നിച്ചു കൈകോർത്ത വൻ ശത്രുവ്യൂഹം! ജോസി വാഗമറ്റം രചിച്ച ആക്ഷൻ ത്രില്ലർ.