ഇ എം എസ് നമ്പൂതിരിപ്പാടിന്റെ തെരഞ്ഞെടുത്ത പ്രബന്ധങ്ങളുടെ സമാഹാരം. നവോത്ഥാന കേരളത്തിന്റെയും ദേശീയ പ്രസ്ഥാനത്തിന്റെയും ദിശ നിർണയിച്ച മഹാനായ ആചാര്യന്റെ സാഹിത്യസംബന്ധിയായ ലേഖനങ്ങളാണ് ഇതിലുള്ളത്; മാർക്സിയൻ സൗന്ദര്യദർശനത്തിന് അടിത്തറയും ആകാശവും ഒരുക്കിയ പഠനങ്ങൾ. എഴുത്തച്ഛനും ആശാനും വള്ളത്തോളും എ ആർ രാജരാജവർമയും ചങ്ങമ്പുഴയും കേസരിയും മുണ്ടശ്ശേരിയും നാലപ്പാട്ടും വൈലോപ്പിള്ളിയും കെ ദാമോദരനും ചെറുകാടും തോപ്പിൽ ഭാസിയുമെല്ലാം ഇവിടെ വിലയിരുത്തപ്പെടുന്നു. കമ്യൂണിസ്റ്റുകാരും പുരോഗമനസാഹിത്യവും, സാഹിത്യവും സമൂഹവും, മലയാളികളുടെ മലയാളം, സാഹിത്യകാരന്റെ പ്രതിഭയും സമൂഹവും തുടങ്ങിയ ഗാംഭീര്യമാർന്ന ലേഖനങ്ങൾ.