നല്ലൊരു കൂട്ടിന് കൂടരുത്, ജയപ്രകാശ് കുളൂരിന്റെ നാടകങ്ങൾ.

ഇൻസ്പെക്ടർ ഗൗഡയുടെ മൊബൈൽ ഫോൺ രാവിലെ ഏഴരമണിക്ക് ഇടതടവില്ലാതെ ശബ്ദിച്ചു. ബൈബിൾ കോളേജിനടുത്തുള്ള ഷാങ്ഗ്രിലാ എന്ന വീട്ടിൽ പതിനഞ്ച് മിനിറ്റിനുള്ളിൽ ഗൗഡ എത്തിച്ചേർന്നു. തറയിൽ കമഴ്ന്ന് കിടക്കുന്ന മനുഷ്യന്റെ തലയുടെ ഒരു ഭാഗം തകർന്നിരുന്നു. ഇരുണ്ടു കട്ടയായിക്കൊണ്ടിരിക്കുന്ന രക്തക്കളം തലയ്ക്കു ചുറ്റും. അയാൾക്കടുത്തായി ചെരിഞ്ഞുകിടക്കുന്ന ബുദ്ധപ്രതിമ. അഭിഭാഷകൻ ഡോ. റാത്തോർ ആണ് കൊല്ലപ്പെട്ടത്. ആരാണ് കൊലയാളി? ഗൗഡ അന്വേഷണം തുടങ്ങിക്കഴിഞ്ഞു. ഇൻസ്പെക്ടർ ഗൗഡ നോവൽപരമ്പരയിലെ രണ്ടാമത്തെ പുസ്തകം. പരിഭാഷ: സ്മിത മീനാക്ഷി.

ഭരതനാട്യം എന്ന ക്ലാസിക്കല്‍ നൃത്തരൂപത്തെയും അതിന്റെ ചരിത്രജീവിതത്തെയും വിശകലനവിധേയമാക്കുന്ന ഏഴു പ്രബന്ധങ്ങളുടെ സമാഹാരം. നൃത്തകലയുടെ ചരിത്രമോ നിരൂപണമോ അല്ല, മറിച്ച് ഭരതനാട്യത്തിന്റെ ലാവണ്യാത്മകവും സാങ്കേതികവുമായ സ്വരൂപത്തില്‍ സന്നിഹിതമായിരിക്കുന്ന ചരിത്ര ബന്ധങ്ങളെക്കുറിച്ചും ആധുനിക ഇന്ത്യയുടെ ചരിത്രജീവിതത്തില്‍ ഭരതനാട്യം ഇടപെട്ടു പ്രവര്‍ത്തിച്ചതിനെക്കുറിച്ചും അതിനു വഴിതെളിച്ച ഭൗതിക പ്രത്യയശാസ്ത്ര രാഷ്ട്രീയ പ്രേരണകളെക്കുറിച്ചുമുള്ള ആലോചനകള്‍.

അക്ഷരവിദ്യയെന്ന അത്ഭുതകരമായ മനുഷ്യനേട്ടംകൊണ്ട് സമൂഹത്തെയും സംസ്കാരത്തെയും മാറ്റിത്തീർത്ത പല തലമുറകളിലെ പ്രതിഭകൾക്ക് പുതിയ കാലത്തെ എഴുത്തുകാരന്റെ പ്രണാമം. സാമൂഹിക പരിഷ്കർത്താവായ സന്ന്യാസിവര്യൻ എന്നതിനൊപ്പംതന്നെ പ്രതിഭാധനനായ കവിശ്രേഷ്ഠൻകൂടിയായ ശ്രീനാരായണഗുരുവിൽ തുടങ്ങി ഒ. ചന്തുമേനോൻ, കുട്ടിക്കഷ്ണമാരാര്, കുമാരനാശാൻ, ഉറൂബ്, എം. ടി. വാസുദേവൻനായർ, സക്കറിയ, സേതു, വിക്തോർ യൂഗോ, ഫയദോർ ദസ്തയേവ്സ്കി, പുനത്തിൽ കുഞ്ഞബ്ദുള്ള, സി. വി. ബാലകൃഷ്ണൻ എന്നിവരുടെ ജീവിതത്തിനും അവരുടെ കൃതികൾക്കും നൽകുന്ന ആദരം.