മുമ്പും പിമ്പുമുള്ള കാലങ്ങളില്‍ നിന്ന് പ്രമേയം കൊണ്ടും ആവിഷ്കാരപ്രകാരം കൊണ്ടും വേര്‍തിരിഞ്ഞു നില്‍ക്കുന്ന ഒരു കാവ്യകാലം മലയാളത്തിനുണ്ട്. അന്ന് മലയാളകവിത മുനനീട്ടിച്ചെന്നത് മുഖ്യമായും രണ്ട് ആശയസ്ഥാനങ്ങളുടെ നേരെയാണ്- ആധുനികതയും പാരമ്പര്യവും. മനുഷ്യജീവിതത്തെയും സാമൂഹ്യവ്യവസ്ഥയെയും ലോകക്രമത്തെയും സ്വാധീനിച്ചുകൊണ്ടുവന്ന ആധുനികതയുടെ പല മട്ടിലുള്ള വിമര്‍ശം അക്കാലത്ത് മലയാളകവിതയിലെ മുഖ്യസ്വരമായി. ആ സ്വരവൈവിധ്യത്തെക്കുറിച്ചുള്ള പഠനങ്ങളാണ് ഈ സമാഹാരത്തിന്‍റെ ഉള്ളടക്കം.

മഹാകവി അക്കിത്തത്തിന്റെ കവിത കടന്നുപോന്ന വഴികളും നടന്നു തീർത്ത ദൂരങ്ങളും സൂക്ഷ്മമായും സമഗ്രമായും രേഖപ്പെടുത്തുന്ന കൃതി. അക്കിത്തം കവിതയുടെ അകംപൊരുൾ തേടിയുള്ള ഒരു തീർത്ഥയാത്ര.