ലക്ഷദ്വീപിൽത്തന്നെയുള്ള ഒരാൾ എഴുതുന്ന ആദ്യത്തെ മലയാള നോവലാണ് കോലോടം. അങ്ങനെയൊരു ചരിത്രപ്രാധാന്യംകൂടി ഈ നോവലിനുണ്ട്. കെ.ജെ. ബേബിയുടെ മാവേലിമന്റം പോലുള്ള “എത്‌നിക്‌’ സ്വഭാവമുള്ള നോവലുകൾ മലയാളത്തിലുണ്ടെങ്കിലും പൂർണമായും ദ്വീപുമനസ്സുള്ള ഒരു നോവൽ ഇതാദ്യംതന്നെ. നൂറിൽപ്പരം കഥാപാത്രങ്ങളിലൂടെയും അനേകം സന്ദർഭങ്ങളിലൂടെയും ഈ നോവൽ വായനക്കാരുടെ മനസ്സിലേക്കു പടരുന്നു - ശിഹാബുദ്ദീൻ പൊയ്ത്തുംകടവ്

ഒരു പകുതി ചരിത്രം, മറു പകുതി സാങ്കല്പികം. ജപ്പാനിലെ ഗയിഷകളുടെ വിചിത്രമായൊരു ലോകത്തിലേക്ക് വായനക്കാരനെ കൊണ്ടെത്തിക്കുകയാണ് ഒരു ഗയിഷയുടെ ഓർമ്മക്കുറിപ്പുകൾ. ഹൃദയഹാരിയും അസാധാരണവുമായ നോവൽ. ഒരു പെൺകുട്ടിയുടെ കന്യകാത്വം ഏറ്റവും ഉയർന്ന ലേലത്തുകയ്ക്ക് വിൽക്കപ്പെടുന്ന, ഏറ്റവും സമ്പന്നനായ പുരുഷനെ സ്വാധീനിക്കാൻ സ്ത്രീകൾ പരിശീലനം നേടുന്ന, പ്രണയം ഒരു മിഥ്യാബോധമായി മാത്രം കരുതുന്ന ഒരു ലോകത്തേക്കാണ് ഒരു ഗയിഷയുടെ ഓർമ്മക്കുറിപ്പുകൾ വാതിൽ തുറക്കുന്നത്. അഭ്രപാളിയിലും ചലനം സൃഷ്ടിച്ച ആർതർ ഗോൾഡന്റെ അന്തർദ്ദേശീയ ബെസ്റ്റ്‌സെല്ലർ നോവൽ.

ആര്‍ക്കോവേണ്ടി എവിടേക്കോ ഒരു ഗോളടിക്കുന്നതിനിടയിലായിരുന്നു മത്തായിയെ റഫറി പുറത്താക്കിയത്. മത്തായിക്ക് ആ ഗോളടിക്കാന്‍ സാധിച്ചുവോ എന്നറിയില്ല. കളി കഴിഞ്ഞ സ്ഥിതിക്ക് ആ ഗോളിനെക്കുറിച്ച് മത്തായിക്കൊന്നും പറയാനും സാധിച്ചില്ല. ഗോള്‍ പിടിക്കുകയോ പിടിക്കാതിരിക്കുകയോ ചെയ്ത ഗോളിയെയും ആര്‍ക്കും കണ്ടെത്താന്‍ കഴിഞ്ഞില്ല. എന്തായാലും ഇതോടെ മത്തായിയുടെ സകല കളിയും തീര്‍ന്നു. ഇനി മത്തായിക്ക് ഒരു റഫറി വിചാരിച്ചാലും ജീവിതത്തില്‍ കളിയില്ല. മത്തായി ഔട്ട്… സരസ്വതിയമ്മയുടെ ചീത്തക്കുട്ടി, മൂസാഹാജിയെ ഫാത്തിമാഹാജി വിഴുങ്ങി, അരയന്നങ്ങള്‍ പറന്നുപോയ്, ആ മനുഷ്യന്‍ ഇപ്പോള്‍ വരും, മത്തായിയെ റഫറി പുറത്താക്കി… തുടങ്ങി ഏഴു കഥകള്‍.