കാഞ്ചിപുരത്തിനപ്പുറം വടുക രാജ്യത്തിലെ പ്രതാപിയായ കന്നടിയപ്പെരുമാളുടെ മകളാണ് വടുകച്ചിയമ്മ. തെൻപാണ്ടിയുടെ അംഗരാജ്യമായ വള്ളിയൂർവാഴുന്ന കുലശേഖരപ്പെരുമാളെ അവൾ മനസ്സാവരിച്ചു. കുലശേഖരന് അതിലത്ര താൽപ്പര്യം തോന്നിയില്ല. പക്ഷേ, വടുവച്ചിയമ്മ പിന്മാറിയില്ല. കുലശേഖരനെ കിട്ടാൻ കന്നടിയൻ വള്ളിയൂർ ആക്രമിച്ചു. കുലശേഖരന്റെ ചെറുത്തുനിൽപ്പിന്റെയും വടുകച്ചിയുടെ അനുപമസ്നേഹത്തിന്റെയും നിശ്ചയ ദാർഢ്യത്തിന്റെയും ജീവത്യാഗത്തിന്റെയും കഥയാണിത്.

ബാലമനസ്സിലെ വിസ്മയങ്ങളും വിഹ്വലതകളും വിഭ്രാന്തികളും നമുക്ക് കാണിച്ചു തരുന്ന വായിച്ചാലും വായിച്ചാലും മതി വരാത്ത 9 കഥകള്‍.

കരിമ്പാറയിടുക്കിലെ വിടവൊഴിവിൽ ഒറ്റപ്പെട്ടു കഴിഞ്ഞിരുന്ന വെള്ളയുറുമ്പുകൾക്കുള്ളിൽ മധുരം വഴിഞ്ഞൊഴുകുന്ന തേൻകുഴിയുടെ ചിത്രം വരച്ചിട്ടത് ചെമ്പരുന്താണ്. തേൻകുഴിയിലേക്കുള്ള യാത്രയിൽ അവർ സർവവും മറന്നു; തങ്ങളെത്തന്നെയും.

ജാതിയുടെ, മതത്തിന്റെ, ദാരിദ്ര്യത്തിൻന്റെ, പിന്നോക്കാവസ്ഥയുടെ, കുലമഹിമയുടെ ഒക്കെ പേരിൽ അരികുനിർത്തപ്പെട്ട വിദ്യാർഥികളുടെ പ്രതിനിധിയായി ഒരു കുറുക്കൻ; കുഞ്ഞിക്കുറുക്കൻ. കാടനായ കുഞ്ഞിക്കുറുക്കൻ അറിവുനേടാനുള്ള അദമ്യമായ ആഗ്രഹത്തോടെയാണ് തേന്മല ഗവ. യു.പി. സ്‌കൂളിലെത്തുന്നത്. ഒരു കുറുക്കൻകുട്ടിയെ, മനുഷ്യകുട്ടികൾക്കൊപ്പം പഠിപ്പിക്കുവാൻ ആദ്യമൊന്നു മടിച്ചെങ്കിലും, അവന്റെയുള്ളിലെ അഗ്നി തിരിച്ചറിഞ്ഞ സ്‌നേഹനിധികളായ അധ്യാപകരും, കാടിന്റെ നന്മയുള്ള ഒരു കൂട്ടുകാരനെ കിട്ടിയ സന്തോഷത്തിൽ കുട്ടികളും അവനെ ഊഷ്മളമായി വരവേൽക്കുന്നു. പഠനത്തിലും പ്രവർത്തനങ്ങളിലും ഒന്നാമനായി മുന്നേറിയ അവൻ, കലോത്സവങ്ങളിലും കായികമേളകളിലും സ്‌കൂളിന്റെ അഭിമാനതാരമായി ജ്വലിച്ചുയർന്നു.