പൗരസ്ത്യദർശനം എന്ന അടിത്തറയിൽ പണിത ആധുനിക സയൻസ് ഫിക്ഷൻ. അനുരാഗബദ്ധരായ യുവമിഥുനങ്ങൾ തങ്ങളുടെ ഗവേഷണപ്രവർത്തനങ്ങൾക്കിടെ മഹത്തായ ഒരു കണ്ടെത്തലിലേക്കു നീങ്ങുന്നു. മനുഷ്യവംശത്തിന് അഭൂതപൂർവമായ ഐശ്വര്യപ്പുതുയുഗപ്പിറവി കുറിക്കുന്ന നൂതനസാങ്കേതികവിദ്യ. എന്നാൽ, സയൻസ് നൽകുന്ന ഏതു വരദാനവും ദുരുപയോഗം ചെയ്യപ്പെട്ടേക്കാം. അവരെ വിധേയത്വത്തിലാക്കി ഈ വിദ്യ തട്ടിയെടുക്കാനും ലോകമേധാവിത്വത്തിനുള്ള യുദ്ധത്തിൽ ഉപകരണമാക്കാക്കാനും അന്താരാഷ്ട്രകുറ്റവാളിസംഘം കിണഞ്ഞു ശ്രമിക്കുന്നു. പക്ഷേ, സ്വന്തം മനസ്സും ഹൃദയവും പൈതൃകമായ ദർശനത്തിൽ നിന്നു സ്വാംശീകരിച്ച ശക്തിയും ഉപയോഗിച്ച് അവർ സാഹസികമായി ചെറുത്തുനിൽക്കുന്നു. മനുഷ്യമനസ്സ് ആത്യന്തികായുധമായിത്തീരുന്ന വിസ്മയകഥ.

"മലയാളനോവൽചരിത്രത്തിലെ ഒരു ഇതിഹാസമെന്ന് നാളെ ഈ നോവൽ വിലയിരുത്തപ്പെട്ടാലും അത്ഭുതമില്ല" - ആനന്ദ് "ഋഷികവിയായ എഴുത്തച്ഛനെ തീനാളം പോലെ ജ്വലിക്കുന്ന വാക്കുകൾ കൊണ്ട് പുനഃസൃഷ്ടിച്ചിരിക്കുന്നു" - മാതൃഭൂമി "ലക്ഷണയുക്തമായ നോവലിന്റെ അവഭംഗി ഒരു ജീവിതകഥയിലേക്ക് എവ്വിധം പകർത്താമെന്നതിന്റെ ഒന്നാംതരം നിദർശനം" - വി. സുകുമാരൻ, ദേശാഭിമാനി "അപൂർവ്വമായ ധ്യാനാനുഭവം" - മങ്ങാട് ബാലചന്ദ്രൻ, ശിവഗിരി മാസിക "മലയാളം രാധാകൃഷ്ണനോട് സീമയില്ലാതെ കടപ്പെട്ടിരിക്കയാണ്" - എം കെ ഹരികുമാർ, കലാകൗമുദി "ഇതൊരു തീർത്ഥയാത്രയാണ്. സ്നേഹവും ഭക്തിയും ആരാധനയും ആകാംക്ഷയും അമ്പരപ്പും ഈ യാത്രയിലുണ്ട്." - വെങ്കിടാചലം, ജനയുഗം ആധുനികഭാഷാപിതാവായ തുഞ്ചത്ത് എഴുത്തച്ഛന്റെ ജീവിതത്തെ അടിസ്ഥാനമാക്കി സി രാധാകൃഷ്ണൻ രചിച്ച നോവൽ. മൂർത്തിദേവി പുരസ്കാരം, ഓടക്കുഴൽ അവാർഡ്, അമൃതകീർത്തി അവാർഡ്, സഞ്ജയൻ പുരസ്‌കാരം, ജ്ഞാനപ്പാന അവാർഡ്, കെ പി  നാരായണപ്പിഷാരടി പുരസ്കാരം തുടങ്ങിയവ നേടിയ മാസ്റ്റർപീസ്.