വിജയിച്ച എല്ലാ ആളുകൾക്കും പൊതുവായുള്ള ഒരു ഗുണം എന്താണ്? മനുഷ്യരുമായി ഇടപഴകുന്നതിൽ അവർ വൈദഗ്ധ്യം നേടിയിട്ടുണ്ട് എന്നതു തന്നെ. ഭവനത്തിലാകട്ടെ, വ്യവസായത്തിലാകട്ടെ വിജയത്തിനും സന്തോഷത്തിനും അത്യാവശ്യമായ ഒരു ഘടകമാണ് ആളുകളുമായി ഇടപെടുന്നതിലെ വൈദഗ്ധ്യം. ഈ പുസ്തകം നിങ്ങളുടെ സമ്പർക്കമികവിനെ ഒരിക്കലും ഉയരുവാൻ സാധ്യതയില്ലെന്നു കരുതുന്ന തലത്തിലേക്ക് ഉയർത്തുന്നു.

നിങ്ങളുടെ ആവശ്യങ്ങള്‍ എങ്ങനെ നേടാം, സാധ്യമാകുമെന്ന് നിങ്ങള്‍ ചിന്തിക്കുന്നതിനേക്കാള്‍ വേഗത്തില്‍ എന്ന് ഈ പുസ്തകത്തിലൂടെ ബ്രയാന്‍ ട്രേസി പറഞ്ഞു തരുന്നു.  വിവര്‍ത്തനം: ബിജു റോക്കി ചിലർ എല്ലാ ലക്ഷ്യങ്ങളും നേടുമ്പോൾ ചിലർ വെറുതെ, നല്ല ജീവിതത്തിന്റെ സ്വപ്നം മാത്രം കണ്ട് കഴിയുന്നത് എന്തുകൊണ്ടാണ്? നിരാശയിൽനിന്ന് സഫലീകരണത്തിലേക്ക് ഇതിനകം കണ്ടെത്തിയ വിജയവഴി കാണിച്ചുതരുന്നു, ഈ മേഖലയിൽ ഏറ്റവുമധികം വിൽപ്പനയുള്ള പുസ്തകങ്ങളുടെ എഴുത്തുകാരൻ – ബ്രയാൻ ട്രേസി. നൂറായിരം പേർ സ്ത്രീ പുരുഷ ഭേദമെന്യേ, ഈ വഴിയിൽ ഒന്നുമില്ലായ്മയിൽ നിന്ന് തുടങ്ങി മഹത്തായ വിജയം നേടിക്കഴിഞ്ഞു. നിങ്ങളുടെ സ്വപ്നം യാഥാർത്ഥ്യമാക്കാൻ അറിഞ്ഞിരിക്കേണ്ട അത്യാവശ്യമായ അടിസ്ഥാന തത്വങ്ങൾ ട്രേസി ഇവിടെ അവതരിപ്പിക്കുന്നു. ലക്ഷ്യം ഒരുക്കാനും നേടാനുമായി അതീവ ലളിതവും ശക്തവും ഫലപ്രദവുമായ വ്യവസ്ഥകൾ. അസാധാരണമായ കാര്യങ്ങൾ നേടുന്നതിന് ഇതിനകം ദശലക്ഷത്തിലധികം പേർ അവലംബിച്ച പദ്ധതി. പുതുക്കി, വിപുലീകരിച്ചതാണീ പതിപ്പ്. സെറ്റ് ചെയ്യാനും ഉറച്ചു നിൽക്കാനും ബുദ്ധിമുട്ടുള്ളതാണെങ്കിലും മികച്ച ഫലങ്ങൾ തരുന്ന മൂന്നു മേഖലകൾ – സമ്പത്ത്, കുടുംബം, ആരോഗ്യം – ഈ വിഷയങ്ങളിൽ മൂന്ന് പുതിയ അധ്യായങ്ങൾ കൂട്ടി ചേർത്തിരിക്കുന്നു. ഇരുപത്തൊന്ന് അധ്യായങ്ങളിൽ ഒരുക്കുന്ന 21 തന്ത്രങ്ങളിലൂടെ നിങ്ങൾക്ക് ഏത് ലക്ഷ്യവും അതെത്ര വലുതാണെങ്കിലും നേടാനാകുമെന്ന് ട്രേസി വ്യക്തമാക്കുന്നു. നിങ്ങളുടെ കരുത്ത് എങ്ങനെ നിർണയിക്കുമെന്ന് നിങ്ങൾ ഉറപ്പായും കണ്ടെത്തും. എന്താണ് നിങ്ങൾ ജീവിതത്തിൽ യഥാർത്ഥമായും വിലകാണുന്നത്, വരും വർഷങ്ങളിൽ നിങ്ങൾക്കെന്താണ് യഥാർത്ഥത്തിൽ വേണ്ടത് എന്നെല്ലാം വ്യക്തമായി തിരിച്ചറിയൂ. ആത്മാഭിമാനവും ആത്മവിശ്വാസവും എങ്ങനെ കെട്ടിയുയർത്താമെന്നും ട്രേസി കാണിച്ചുതരുന്നു.

പണികൾ നീട്ടിവെക്കുന്ന പ്രവണത ഒഴിവാക്കുക. കുറച്ചു സമയത്തിനുള്ളിൽ കൂടുതൽ പണികൾ ചെയ്തുതീർക്കുക. ചെയ്തുതീർക്കേണ്ട പണികളുടെ പട്ടികയിൽ എല്ലാം ചെയ്തുതീർക്കാൻ ആർക്കും സമയം ഉണ്ടാവില്ല. എല്ലാ പണികളും ചെയ്യാൻ വിജയികൾ ശ്രമിക്കുകയുമില്ല. പ്രധാനപ്പെട്ട പണികളിൽ ശ്രദ്ധ കേന്ദ്രീകരിച്ച് അവ മുഴുമിപ്പിക്കാൻ അവർ പഠിക്കുന്നു. അതായത് അവർ തവളകളെ തിന്നുന്നു. ദിവസേന രാവിലെ ആദ്യം ഒരു തവളയെ തിന്നാൽ, ദിവസം മുഴുവൻ ചെയ്യേണ്ട കാര്യങ്ങളിൽ ഏറ്റവും മോശം കാര്യം ചെയ്തുതീർത്തെന്ന സമാധാനം നിങ്ങൾക്കുണ്ടാകും എന്നൊരു പഴഞ്ചൊല്ലുണ്ട്. ട്രേസിയെ സംബന്ധിച്ചിടത്തോളം, തവളയെ തിന്നുക എന്നാൽ ഏറ്റവും വെല്ലുവിളി ഉയർത്തുന്ന പണി എന്നാണ് അർത്ഥം. അത് കഴിഞ്ഞാൽ നിങ്ങളുടെ ജീവിതം ഏറ്റവും സുഗമമായി. ഓരോ ദിവസത്തെയും പരിപാടികൾ ശരിയായി ക്രമപ്പെടുത്തി, ഏറ്റവും പ്രധാന പണികളിൽ ശ്രദ്ധിച്ച് അവ ചെയ്തുതീർക്കേണ്ടത് എങ്ങനെ എന്ന് ‘ആ തവളയെ തിന്ന്!’ നിങ്ങൾക്ക് കാണിച്ചുതരുന്നു. മുഴുവനായും പരിശോധിച്ച് പരിഷ്കരിച്ച ഈ പതിപ്പിൽ ട്രേസി രണ്ട് അദ്ധ്യായങ്ങൾ കൂട്ടിച്ചേർത്തിട്ടുണ്ട്. പ്രാധാന്യമില്ലാത്ത പണികൾ മാറ്റിവെച്ച് ഏറ്റവും പ്രധാനപ്പെട്ടവയെക്കുറിച്ച് നിങ്ങളെ ഓർമ്മിപ്പിക്കാൻ ടെക്നോളജി എങ്ങനെ ഉപയോഗപ്പെടുത്താമെന്ന് ആദ്യത്തെ അദ്ധ്യായം പറഞ്ഞുതരുന്നു. ശ്രദ്ധ വ്യതിചലിപ്പിക്കുന്ന ഘടകങ്ങൾ – ഇലൿട്രോണികവും അല്ലാത്തവയും – ഏറെയുള്ള ഇക്കാലത്ത് ശ്രദ്ധ എങ്ങനെ കേന്ദ്രീകരിക്കാമെന്നതാണ് രണ്ടാമത്തെ അദ്ധ്യായം.

ഹാൽ എൽറോഡ് ഒരു പ്രതിഭാശാലിയാണ്. അദ്ദേഹത്തിന്റെ വിസ്മയപ്പുലരി എന്റെ ജീവിതത്തിൽ ഇന്ദ്രജാലം തീർത്തു. – റോബർട്ട് കിയോസാകി, റിച്ച് ഡാഡ് പുവർ ഡാഡ് എന്ന ബെസ്റ്റ് സെല്ലറിന്റെ രചയിതാവ് നിങ്ങൾ ഒരിക്കലും വിഭാവനം ചെയ്തിട്ടില്ലാത്ത അത്യസാധാരണ ജീവിതം എങ്ങിനെ കരുപ്പിടിപ്പിക്കുമെന്ന് ഇതാ, ഇപ്പോൾ നിങ്ങൾ കണ്ടെത്തും. നിങ്ങൾ നാളെ വിസ്മയത്തിലേക്ക് ഉണരുകയും നിങ്ങളുടെ ജീവിതത്തിന്റെ സമസ്തമേഖലകളിലും രൂപപരിവർത്തനം സംഭവിച്ചതായി കണ്ടെത്തുകയും ചെയ്താൽ? എത്ര വ്യത്യസ്തമായിരിക്കും അത്? നിങ്ങൾ സന്തുഷ്ടനായിരിക്കുകയില്ലേ? ആരോഗ്യവാനായിരിക്കില്ലേ? നിങ്ങളെ കൂടുതൽ വിജയിയാക്കുകയില്ലേ? നിങ്ങൾ കൂടുതൽ ഊർജ്ജസ്വലനാവുകയില്ലേ? നിങ്ങളുടെ മാനസികസംഘർഷം കുറയില്ലേ? കൂടുതൽ പണം നേടാൻ നിങ്ങളെ സഹായിക്കില്ലേ? നിങ്ങളുടെ ഏതു പ്രശ്നങ്ങൾക്കും പരിഹാരമാവില്ലേ? ജീവിതത്തിന്റെ ഏതു മേഖലയെയും നിങ്ങൾ വിചാരിച്ചതിലും വേഗത്തിൽ ഗുണപരമായി മാറ്റിത്തീർക്കാൻ കഴിയുന്ന, അത്ര എളുപ്പത്തിൽ പിടികിട്ടാത്ത, ഒരു രഹസ്യമുണ്ടെന്നത് അതിശയകരമല്ലേ? അതിനു നിങ്ങൾ ദിവസം ആറു മിനിറ്റ് മാത്രം മാറ്റിവച്ചാൽ മതിയെന്നത് അതിലേറെ അതിശയമല്ലേ? ആ വിസ്മയപ്പുലരിയിലേയ്ക്ക് മിഴി തുറക്കൂ. ലോകമെമ്പാടുമുള്ള ആയിരക്കണക്കിനാളുകളുടെ ജീവിതത്തെ അടിമുടി മാറ്റിമറിച്ച, ഓരോ പുലരിയെയും അത്യധികം ഉന്മേഷത്തോടെ, ഉത്സാഹത്തോടെ, ഏകാഗ്രതയോടെ, വരവേൽക്കാൻ അവരെ പ്രാപ്തമാക്കിയ, ആറുശീലങ്ങൾ കരസ്ഥമാക്കൂ. നിങ്ങളുടെ ഭാവനയിലുള്ള ഏറ്റവും അസാധാരണമായ ജീവിതത്തിന്റെ പുതിയ അദ്ധ്യായം ഇതാ ആരംഭിക്കുകയായി. പുലര്‍ന്ന് എട്ടുമണിക്ക് മുന്‍പ് നിങ്ങളുടെ ജീവിതത്തെ മാറ്റിമറിയ്ക്കുന്ന ആറ് ശീലങ്ങള്‍ എന്ന ഹാല്‍ എല്‍റോഡിന്റെ പുസ്തകത്തിലൂടെ നിങ്ങൾക്ക് അത് സാധ്യമാകും. വിവര്‍ത്തനം: ടോം മാത്യു

മനസ്സിനെ വരുതിയിലാക്കാനുള്ള കല പഠിപ്പിക്കുകയാണ് ഗൗർ ഗോപാൽ ദാസ് ഈ പുസ്തകത്തിലൂടെ. നമ്മുടെ മനസ്സ് എങ്ങനെയാണ് പ്രവർത്തിക്കുന്നത്, മനസ്സിന് മാറ്റം വരുത്താൻ ഉതകുന്ന വ്യായാമങ്ങളും ധ്യാനരീതികളും എന്നിങ്ങനെ നമ്മുടെ ജീവിതം മാറ്റിമറിക്കാൻ സഹായിക്കുന്ന പല വിലപ്പെട്ട വിവരങ്ങളുടെയും ശേഖരമാണ് ഈ പുസ്തകം.