പ്രവാസജീവിതത്തിന്റെ ദുസ്സഹസാഹചര്യങ്ങളിൽപ്പെട്ട് ഉഴറുന്ന ഒരു പെൺമനസ്സിന്റെ പിടച്ചിലുകളെ ഏറ്റുവാങ്ങുകയാണ് ഈ കൃതി. തുടക്കത്തിന്റെയും ഒടുക്കത്തിന്റെയും ഇടയിൽ പൂർത്തിയാക്കപ്പെടാതെ പോവുന്ന സമസ്യ പോലെ ജീവിതം ജീവിച്ചുതീർക്കുന്നവരുടെ കഥയാണിത്.

തീക്കാറ്റു വീശി നടന്ന ഒരു കാലം ജന്മിത്തത്തിനും അക്രമത്തിനും അനീതിക്കുമെതിരെ, ചൂഷകരുടെ നെഞ്ചിനു നേരെ സഹസ്രക്കണക്കിനു ചൂണ്ടുവിരലുകളുയര്‍ന്നു. കേരളത്തിലങ്ങോളമിങ്ങോളം അവശരും ആര്‍ത്തരുമായ മനുഷ്യഹൃദയങ്ങളില്‍ കമ്യൂണിസത്തിന്റെ വിത്തുകള്‍ വീണു. ഒളിവിലും തെളിവിലും പതിനായിരങ്ങളുടെ സഹനത്തിലും കണ്ണുനീരിലും വീണ് ആ വിത്തുകള്‍ മുളച്ചു. പ്രത്യാശാഭരിതരായിരുന്ന അധ്വാനിക്കുന്ന മനുഷ്യന്‍ ഒടുവില്‍ കണ്ടത് ഒരു കൊന്നത്തെങ്ങു പോലെ ആകാശത്തേക്കു വളര്‍ന്നുപോകുന്ന പ്രസ്ഥാനത്തെയാണ്. വിശക്കുന്നവന് അപ്പവും ദരിദ്രന് അഭയവും സകലര്‍ക്കും സമത്വവും പ്രദാനം ചെയ്യുന്നതിനു പകരം ഉയരങ്ങളിലെ ഒരു നക്ഷത്രം മാത്രമായി പ്രസ്ഥാനം മനുഷ്യനില്‍ നിന്നകന്നു. കേരളത്തില്‍ കമ്യൂണിസ്റ്റ് പ്രസ്ഥാനത്തിന്റെ വളര്‍ച്ചയുടെ മറ്റൊരു മുഖമാണ് ആധുനിക മലയാളസാഹിത്യത്തിലെ ഒരപൂർവ അനുഭവമായ ഉഷ്ണമേഖല.

ഉത്തർപ്രദേശിന്റെ വടക്കേ അതിർത്തിയിൽ, ഹിമാലയത്തിന്റെ താഴ്വരയിലുള്ള കുമയോൺ മലയോരത്തിലെ 'നൈനിത്താൾ' എന്ന പർവതനഗരമാണ് ഈ നോവലിന്റെ പശ്ചാത്തലം. ഭയാശങ്കയും വേദനയും അസംതൃപ്തിയും അനിശ്ചിതത്വവും കൊണ്ട് ഭാരപ്പെട്ട ഹൃദയവുമായി ജീവിച്ച്, അവസാനം നിരുപാധികമായി വിധിക്കു കീഴടങ്ങി, വ്യാമോഹങ്ങളുടെ പണി തീരാത്ത വീടിന്റെ കൽത്തറയിൽ ഖബറടക്കപ്പെടുന്ന മനുഷ്യജീവിതങ്ങളാണ് ഈ നോവലിലുള്ളത്

ഇത് തിരസ്കാരത്തിന്റെ നോവലാണ്. ഇതിന്റെ പശ്ചാത്തലം അംഗീകൃതമായ ധാര്‍മികമണ്ഡലമല്ല. എന്നാൽ‍, ഇന്നത്തെ മനുഷ്യന്റെ അവസ്ഥ ഇതില്‍ ചിത്രീകരിച്ചിരിക്കുന്നതുപോലെയാണ്. ഡപ്യൂട്ടി സെക്രട്ടറി സദാശിവന് മീനാക്ഷി എന്ന നാടൻ ഭാര്യയിൽ ഉണ്ടായ സന്താനമാണ് അപ്പു. അവന് ഇരുപത്തിനാലു വയസാകുന്നതുവരെയുള്ള കഥയാണ് ഈ നോവൽ. ഏകാകിയായി വളരാനായിരുന്നു അപ്പുവിന്റെ വിധി. നാൻസി എന്ന പരിചാരികയുടെ ലാളനയിൽ അവൻ വളർന്നു. നമുക്കു തീരെ പരിചിതമല്ലാത്ത, തികച്ചും വേർതിരിക്കപ്പെട്ട ഒരു വ്യക്തിത്വത്തിന്റെ ഉടമയായിട്ടാണ് മുകുന്ദൻ അപ്പുവിനെ അവതരിപ്പിക്കുന്നത്.

ജീവിതമെന്ന മഹാനാടകത്തിന്റെ അണിയറയിൽ നിന്ന് ഉറൂബ് കളിയരങ്ങിലെ 'കളികൾ' നോക്കിക്കാണുകയാണ്. ബാലരാമൻ, ചാത്തുക്കുട്ടി, ശാരദ, വിശാലം ചെറിയമ്മ തുടങ്ങിയ ഏറെ വ്യത്യസ്‌തവും വ്യക്തിത്വവുമുള്ള കഥാപാത്രങ്ങളിലൂടെ അവരുടെ മനസ്സിന്റെ സഞ്ചാരപഥങ്ങളിലേക്ക് ആത്മീയാന്വേഷണം നടത്തുകയാണ് ഈ നോവൽ