P K Sasidharan

കളരിയാവിരൈ പലശകലങ്ങൾ എന്ന പുസ്തകത്തിന്റെ ഒന്നാം ഭാഗത്തിലെ അഞ്ച് അധ്യായങ്ങൾ. സമ്പാദകൻ പി. കെ ശശിധരൻ. നഷ്ടപ്പെട്ടുപോയെന്ന് കരുതപ്പെടുന്ന ആദ്യ തമിഴ് സംഘത്തിലെ കൃതിയായ കളരിയാവിരൈ ( കളരിവിദ്യ) ഒരു ദ്രാവിഡവൈദ്യശാസ്ത്ര ഗ്രന്ഥമാണെന്ന് തിരിച്ചറിയപ്പെട്ടിട്ടുണ്ട്. നിയതമായ പുസ്തകരൂപത്തിലെന്നതിനേക്കാൾ വിപുലമായ ആരോഗ്യരക്ഷാവിദ്യകളുടെ പ്രയോഗവഴക്കങ്ങളാറ്റി അതിപ്പോഴും നിലനിന്നു വരുന്നു. ഇന്ന് സിദ്ധവൈദ്യം, നാട്ടുവൈദ്യം, മർമശാസ്ത്രം, നാഡീശാസ്ത്രം, ശരശാസ്ത്രം, കളരിവിദ്യ എന്നിങ്ങനെയുള്ള അറിവുപാരമ്പര്യങ്ങൾ കളരിയാവിരൈ യുടെ ശകലിത രൂപങ്ങളാണ്. അത്തരമൊരു തുടർച്ചയെ കാണിക്കുന്ന തെളിവുകളാണ് ഈ വിവരകോശത്തിൽ സമാഹരിച്ചിട്ടുള്ളത്.