Essays

ഉന്നതമായ മാനവികമൂല്യങ്ങളാണ് ടാഗോർ ദർശനത്തിന്റെ സാരം. 1920കളിൽ ദേശീയതയെ സംബന്ധിച്ച് ടാഗോർ നടത്തിയ പ്രഭാഷണങ്ങളും ലേഖനങ്ങളുമാണ് ഈ സമാഹാരത്തിൽ.

വായിച്ച കൃതിയിൽ നിന്ന്, സഞ്ചരിച്ച ദേശത്തു നിന്ന്, കാലത്തു നിന്ന് മറ്റാരും കാണാത്ത ദർശനങ്ങൾ കണ്ടെടുക്കുന്ന മൂന്നാം കണ്ണ് എം ടിയിലുണ്ട്. ഓരോ വായനയിലും അനുവാചകനെ നവീകരിക്കുന്ന ലേഖനങ്ങൾ മൂന്നു വാല്യങ്ങളിലായി- കഥേതരം, എംടി രചിച്ച കാലാതീതമായ ലേഖനങ്ങളുടെ സമ്പൂർണ സമാഹാരം. സാഹിത്യം, സൗഹൃദം, സഞ്ചാരം, സ്മരണ, സാമൂഹികം എന്നിങ്ങനെ വിഷയാടിസ്ഥാനത്തിൽ ക്രമീകരിച്ചത്. ഗവേഷകർ, അധ്യാപകർ, വിദ്യാർഥികൾ എന്നിവർക്ക് ലേഖനങ്ങൾ വേഗം കണ്ടെത്താൻ വിഷയസൂചികയും പദസൂചികയും. ജനറൽ എഡിറ്റർ: ഡോ. എം എം ബഷീർ.

ആർജവമുള്ള നിലപാടുകളാലും കാഴ്ചപ്പാടുകളിലെ സത്യസന്ധതയാലും മുഖംമൂടിയില്ലാത്ത സഹജീവിസ്നേഹം കൊണ്ടും വ്യത്യസ്തനായ, മലയാളികളുടെ സ്വന്തം ടൊവിനോയുടെ ആദ്യ പുസ്തകം - ഒരു (കു)സുപ്രസിദ്ധ പയ്യന്റെ കുറിപ്പുകൾ.

മൗലികമായ വീക്ഷണം കൊണ്ടും ഭാവനാത്മകമായ പദ്ധതികളുടെ ആവിഷ്കരണം കൊണ്ടും അവയുടെ ക്രിയാത്മകമായ നടത്തിപ്പിലെ മികവുകൊണ്ടും ശ്രദ്ധേയനായ മുൻ മന്ത്രി സി. രവീന്ദ്രനാഥ് തയാറാക്കിയിട്ടുള്ള 'അറിവ് ആധുനികത, ജനകീയത' എന്ന ഈ കൃതിയുമായി ഈ വിധത്തിൽ ബന്ധപ്പെടാൻ കഴിയുന്നതിലുള്ള സന്തോഷം ചെറുതല്ല. ഇന്നലെ എങ്ങനെയായിരുന്നു എന്നറിഞ്ഞാൽ നമുക്ക് ഇന്നിനെ വസ്തുനിഷ്ഠമായി വിലയിരുത്താനാകും. ഇന്നിനെ അങ്ങനെ വിലയിരുത്തിയാലേ നാളെയെ വിഭാവനം ചെയ്യാനാവൂ. ഈ നിലയ്ക്ക് പ്രസക്തവും പ്രയോജനപ്രദവുമാണ്. ലളിതവും സുതാര്യവുമായ ഭാഷയിൽ രവീന്ദ്രനാഥ് തയാറാക്കിയിട്ടുള്ള ഈ കൃതി. ഒരു വിജ്ഞാനസമൂഹമായി അതിവേഗത്തിൽ മാറാൻ പോകുന്ന കേരളത്തിന് ഈ ഗ്രന്ഥം വലിയ മുതൽക്കൂട്ടാകുമെന്നു തീർച്ച: അവതാരികയിൽ പ്രഭാവർമ്മ.

വാക്ക്, വാഴ്‌വ്, പൊരുൾ- പി. എം നാരായണൻ എഴുതിയ ലേഖനങ്ങളുടെയും ഓർമകളുടെ സമാഹാരം.

തന്റെ മനസ്സ് അതേ മട്ടിൽ വാക്കുകളിൽ പകരണമെന്നല്ലാതെ വായനക്കാരനെ അനുനയിപ്പിക്കാനോ പ്രേരിപ്പിക്കാനോ വേണ്ടി ഭാഷാപരമായ തന്ത്രങ്ങൾ പ്രയോഗിക്കണമെന്ന് കൊടുങ്ങല്ലൂർ ആഗ്രഹിക്കുന്നില്ല. എന്നാൽ, ആ വാക്കിൽ, വാക്കുകളുടെ സന്നിവേശക്രമത്തിൽ, അതിൽ നിന്ന് നിസ്സരിക്കുന്ന സൂക്ഷ്‌മസംഗീതത്തിന്റെ ആരോഹണാവരോഹണങ്ങളിൽ, താൻ സന്നിധാനം ചെയ്യണമെന്ന നിർബന്ധം ഉണ്ടായിരിക്കുകയും ചെയ്യും ശൈലി വ്യക്തി തന്നെയാണ് എന്ന ചൊല്ല് എങ്ങനെയാണ് സനാഥമാകുന്നതെന്ന് അറിയാൻ 'മിഥ്യകൾ സങ്കല്പങ്ങൾ' വായിച്ചാൽ മതി.