Language | Literature

1857 മുതൽ  2011 വരെയുള്ള കാലയളവിൽ പ്രസിദ്ധീകരിക്കപ്പെട്ട അപസർപ്പക ചെറുകഥകളെ അടിസ്ഥാനമാക്കിയുള്ള പഠനങ്ങളുടെ സമാഹാരം.

മക്കള്‍ ഇംഗ്ലീഷില്‍ വര്‍ത്തമാനം പറയുന്നതു കേട്ട് രോമാഞ്ചമണിയുന്ന മലയാളികളായ മാതാപിതാക്കള്‍ അനവധിയാണ്. പക്ഷേ, മക്കള്‍ മാതൃഭാഷ പഠിക്കണമെന്ന കാര്യത്തില്‍ അവര്‍ താത്പര്യമൊന്നും കാണിക്കുന്നില്ല. മലയാളം വെടിപ്പായി സംസാരിക്കാനെങ്കിലും കുഞ്ഞുങ്ങള്‍ക്കു കഴിയണമെന്ന് അവര്‍ക്കു വിചാരമില്ല. ആത്മാഭിമാനം കെട്ടുപോയവരുടെ അടിമമനോഭാവമാണ് ഈ പ്രവണതയില്‍ പ്രകടമാവുന്നത്. ആ മനോഭാവത്തില്‍ നിന്ന് അവരെ ഉയര്‍ത്തി സ്വാതന്ത്രാത്മാക്കളാക്കുന്നതിനുള്ള പരിശ്രമമായി വേണം മാതൃഭാഷാഭിമാനം ഉത്തേജിപ്പിക്കാനുള്ള പരിശ്രമങ്ങളെ കാണേണ്ടത്. ആ വഴിക്കു നടന്ന പരിശ്രമങ്ങളുടെ നിദര്‍ശനമാണ് ഈ പുസ്തകം. അവതാരികയിൽ പ്രൊഫ. എം.കെ. സാനു

സാഹിത്യം, ചരിത്രം, സംസ്കാരം എന്നീ മേഖലകളില്‍ ശ്രദ്ധേയമായ പുസ്തകങ്ങളെക്കുറിച്ചുള്ള വായനാനുഭവങ്ങളാണ്  'എഴുത്തിന്റെ പ്രാചലങ്ങൾ'. കാലത്തിന്‍റെ ജാഗ്രതകളും ജീവിതത്തിന്‍റെ അടയാളങ്ങളും ഈ പുസ്തകത്തിന്‍റെ ആധികാരികതയെ അര്‍ത്ഥവത്താക്കുന്നു.

ആധുനികോത്തരസാഹിത്യസിദ്ധാന്തങ്ങൾ അനാവരണം ചെയ്ത സാംസ്കാരിക സമസ്യകൾ വിശകലനം ചെയ്യുന്ന പഠനങ്ങളുടെ സമാഹാരം.

ഇരുപതാം നൂറ്റാണ്ടിന്‍റെ ആദിദശകങ്ങളില്‍ കേരളത്തിന്‍റെ പൊതുമണ്ഡലത്തില്‍ ശക്തമായ ഇടപെടലുകള്‍ നടത്തിയ സാഹിത്യ-സാംസ്കാരികവിമര്‍ശകന്‍ മൂര്‍ക്കോത്ത് കുമാരന്‍റെ സാഹിത്യവിമര്‍ശനങ്ങളുടെ പുസ്തകം.

മലയാളകവിതയുടെ ഈ നൂറ്റാണ്ടിലെ സൂക്ഷ്മപരിച്ഛേദമാണ് 'കവിതാധ്വനി' എന്ന ഈ ഗ്രന്ഥം. കാവ്യതലമുറയിലെ മണ്‍മറഞ്ഞവരില്‍ നിന്നും ജീവിച്ചിരിക്കുന്നവരില്‍ നിന്നും ലഭിച്ച കാവ്യസംഭാവനകള്‍ വിചാരണചെയ്യപ്പെടുകയാണിവിടെ. മഹത്തായ കവിതയെ തിരിച്ചറിയുവാനുള്ള ഉരകല്ലാണ് ഈ ഗ്രന്ഥം. അത് സുവ്യക്തമാക്കുന്നതിനുള്ള മാര്‍ഗങ്ങള്‍ ആമുഖമായി കുറിച്ചുകൊണ്ട് ഡോ. എം. ലീലാവതി വള്ളത്തോള്‍ക്കവിതയുടെ സാമ്യമധുരഭാവങ്ങളിലേക്കുള്ള വാതായനങ്ങള്‍ തുറന്നിടുന്നു. രണ്ടു ഭാഗങ്ങളിലായിട്ടാണ് ഈ കൃതി വിഭജിച്ചിരിക്കുന്നത്. ആദ്യഭാഗം വള്ളത്തോള്‍, ബാലാമണിയമ്മ, ഇടശ്ശേരി, വൈലോപ്പിള്ളി, വയലാര്‍, ഒ. എന്‍. വി., സുഗതകുമാരി തുടങ്ങിയവരുടെ സര്‍ഗാത്മകതയിലേക്ക് ആഴ്ന്നിറങ്ങുന്നു. രണ്ടാംഭാഗത്തില്‍ കവിതയുടെ ആധുനികമുഖഭാവം ദര്‍ശിക്കാം. കടമ്മനിട്ടയുടെയും സച്ചിദാനന്ദന്‍റെയും ജി. കുമാരപിള്ളയുടെയും കാവ്യരചനാസങ്കേതങ്ങളുടെ അന്തസ്സത്ത ഈ ഭാഗത്തില്‍ സമഗ്രമായി അപഗ്രഥിക്കുന്നു. സാഹിത്യവിദ്യാര്‍ത്ഥികള്‍ക്കും സാഹിത്യപ്രേമികള്‍ക്കും ഒരുപോലെ പ്രയോജനപ്പെടുന്ന പഠനാര്‍ഹമായ ഗ്രന്ഥം.

സവര്‍ണ്ണരും അവര്‍ണ്ണരും തമ്മിലുള്ള ദൂരം, അധികാരിവര്‍ഗ്ഗവും അടിസ്ഥാനവിഭാഗങ്ങളും തമ്മിലുള്ള ദൂരം, ഈ ദൂരങ്ങള്‍ അളന്നു തിട്ടപ്പെടുത്താനും ക്രമേണ നിര്‍മ്മാര്‍ജ്ജനംചെയ്യാനുമുള്ള ത്വരയാണ് വട്ടമറ്റത്തിന്‍റെ ലേഖനങ്ങളില്‍ പ്രകടമാകുന്നത് -വി. സി. ഹാരിസ്

അതിദൗർഭാഗ്യകരമായി അവഗണിക്കപ്പെട്ട ജനകീയസാഹിത്യശാഖയാണ് കുത്തിയോട്ടപ്പാട്ടുകൾ. നിരവധി ക്ഷേത്രങ്ങളിൽ വ്യത്യസ്തങ്ങളായ പാഠങ്ങളായും വ്യത്യസ്ത ഗാനങ്ങളായും ആവിഷ്കരിക്കപ്പെടുന്നു. ഇവ സമഗ്രമായ പഠനത്തിനു വിധേയമായിട്ടില്ല. ഈ സാഹചര്യത്തിലാണ് ഈ ഗ്രന്ഥം പ്രസക്തമാകുന്നത്.

അനന്യമായ ഓർമ്മപ്പാതകളിൽ ലോകം ഇതാ പുനർജനിക്കുന്നു, സാഹിത്യവിമർശനത്തെ ഭാവനയുടെ വഴികളിൽ ഏകാന്തമായി അന്വേഷിക്കുന്ന നവീനരചന.

നിഘണ്ടു, കവിത, കഥ, പൈതൃകം, ഫോക്‌ലോർ, സിനിമ, നാടകം തുടങ്ങിയ വിവിധ വിഷയങ്ങളെ മുൻനിർത്തിയെഴുതിയ പന്ത്രണ്ട് ലേഖനങ്ങളും സംസ്കാരനിരൂപകനായ ഡോ. വി.സി. ഹാരിസുമായി നടത്തിയ രണ്ട് അഭിമുഖങ്ങളും ഉള്ളടങ്ങുന്നതാണ് ഈ സമാഹാരം. വിഷയങ്ങൾ പലതാണെങ്കിലും സംസ്‌കാരപഠനത്തിന്‍റെ രീതിശാസ്ത്രമാണ് പൊതുവെ പിന്തുടരുന്നത്. അതുകൊണ്ടുതന്നെ, ഈ പഠനങ്ങൾ അന്തർവൈജ്ഞാനികമായി പ്രകാശം പരത്തുന്നു.

സംസ്കൃതത്തിലെ സാഹിത്യശാസ്ത്രത്തില്‍ സമുന്നതസ്ഥാനം അലങ്കരിക്കുന്ന വാമനാചാര്യന്‍റെ കാവ്യാലങ്കാരസൂത്രവൃത്തിയുടെ മൂലവും വിവര്‍ത്തനവും. വിവർത്തനം നിർവഹിച്ചത് ചാത്തനാത്ത് അച്യുതനുണ്ണി.

ആധുനിക സാഹിത്യചരിത്രവും കൊടുങ്ങല്ലൂർക്കളരിയും, ആധുനിക മണിപ്രവാളത്തിലെ ആദ്യകാലകവികൾ, പ്രസ്ഥാനത്തിലെ പ്രധാനികൾ, കൊടുങ്ങല്ലൂർക്കളരിക്കു പുറത്തെ കവികൾ തുടങ്ങിയ വിഷയങ്ങളെ അധികരിച്ചു തയാറാക്കിയ പഠനപുസ്തകം.

നോവലിന്റെ ഇതിവൃത്തം വികസിക്കുമ്പോൾ കൂടെ അതിന്റെ ശൈലിയും ഘടനയും സ്വയം രൂപപ്പെട്ടു വരും. അതാണ് എന്റെ അനുഭവം. ഒരു എഴുത്തുകാരൻ നേരിടുന്ന ഏറ്റവും വലിയ വെല്ലുവിളി അയാളുടെ കൃതികൾ പല തലമുറകൾക്ക് സ്വീകാര്യമാകുമോ എന്ന ആശങ്കയാണ്. പുതുതലമുറയിലെ പ്രതീക്ഷ തരുന്ന സാഹിത്യവിമർശകയാണ് ഐശ്വര്യ : എം മുകുന്ദൻ.

നവസാഹിത്യസിദ്ധാന്തങ്ങളുടെ കേവലമായ വിവരണമെന്നതിനുപരി അവ സാഹിത്യകൃതികളിൽ എപ്രകാരം ഉപയുക്തമാക്കാം എന്ന അന്വേഷണമാണ് ഈ ഗ്രന്ഥം. ഭാഷയിലെ പ്രാചീനവും ആധുനികവുമായ സാഹിത്യകൃതികൾ പുതിയ സിദ്ധാന്തങ്ങളുപയോഗിച്ചു വിശകലനം ചെയ്യുന്നു ഇതിലെ ലേഖനങ്ങളിൽ.

മുമ്പും പിമ്പുമുള്ള കാലങ്ങളില്‍ നിന്ന് പ്രമേയം കൊണ്ടും ആവിഷ്കാരപ്രകാരം കൊണ്ടും വേര്‍തിരിഞ്ഞു നില്‍ക്കുന്ന ഒരു കാവ്യകാലം മലയാളത്തിനുണ്ട്. അന്ന് മലയാളകവിത മുനനീട്ടിച്ചെന്നത് മുഖ്യമായും രണ്ട് ആശയസ്ഥാനങ്ങളുടെ നേരെയാണ്- ആധുനികതയും പാരമ്പര്യവും. മനുഷ്യജീവിതത്തെയും സാമൂഹ്യവ്യവസ്ഥയെയും ലോകക്രമത്തെയും സ്വാധീനിച്ചുകൊണ്ടുവന്ന ആധുനികതയുടെ പല മട്ടിലുള്ള വിമര്‍ശം അക്കാലത്ത് മലയാളകവിതയിലെ മുഖ്യസ്വരമായി. ആ സ്വരവൈവിധ്യത്തെക്കുറിച്ചുള്ള പഠനങ്ങളാണ് ഈ സമാഹാരത്തിന്‍റെ ഉള്ളടക്കം.

മലയാളനോവൽ നാളിതുവരെ നഗരാനുഭവങ്ങളെ എങ്ങനെ പരിചരിച്ചുവെന്ന് ഈ പുസ്തകത്തിൽ വിശകലനം ചെയ്യുന്നു. ചെറുവലത്തു ചാത്തുനായർ, ഒ ചന്തുമേനോൻ, സി വി രാമൻ പിള്ള, തകഴി, ഉറൂബ്, എസ് കെ പൊറ്റെക്കാട്, ഒ വി വിജയൻ, എം ടി തുടങ്ങിയവരുടെ രചനകളിലെ നഗരാവിഷ്കരണ വൈവിധ്യങ്ങളെ ഇവിടെ അപഗ്രഥിക്കുന്നു.

ചരിത്രപരമായ കാലവും നിർവചനവും അനുസരിച്ച് എഴുതപ്പെട്ട കാലവും എഴുതപ്പെട്ട സമയവും ഉണ്ടായി. അങ്ങനെ ലിഖിതരേഖകൾ വന്നു. ഭൂതകാലത്തേക്കുറിച്ചുള്ള രേഖകൾ എന്ന നിലയിൽ അവയ്ക്ക് നൈരന്തര്യമുണ്ടായിരുന്നു; ഒരിക്കൽ ഉണ്ടായിരുന്നതിന്റെ യഥാർത്ഥ അവശിഷ്ടങ്ങൾ. പക്ഷേ, യഥാർത്ഥ സന്ദർഭത്തിൽ നിന്ന് അടർത്തി മാറ്റിയതിനാൽ അവയെ അടയാളങ്ങളായി നിരന്തരം വ്യാഖ്യാനിക്കുകയും പുനർവ്യാഖ്യാനിക്കുകയും വേണം. അതാണ് ചരിത്രം, അത് നിരന്തരം മാറിക്കൊണ്ടിരിക്കുന്ന നിർമ്മാണമാണ്. ചരിത്രം യഥാർത്ഥ സംഭവങ്ങളേയും സാഹിത്യം സാധ്യമായ സംഭവങ്ങളെയും കൈകാര്യം ചെയ്തു. അവ പരസ്പരം എതിരാളികളായി കാണേണ്ടവയല്ലെന്നു സാഹിത്യചരിത്രം കണ്ടു.

കാമസൂത്രം സാഹിത്യകൃതികളിൽ, ബി. ബാലാനന്ദൻ തേക്കുമൂടിന്റെ പഠനം.

പാരമ്പര്യവും പരിവർത്തനവും- മലയാറ്റൂർ രാമകൃഷ്ണന്റെ വേരുകൾ, ഭവത്രാതൻ നമ്പൂതിരിപ്പാടിന്റെ അഫന്റെ മകൾ എന്നീ നോവലുകളുടെ വിമർശനപഠനം.

മനുഷ്യാന്വേഷണം വിമർശവീഥിയിൽ

കാവ്യകല കുമാരനാശാനിലൂടെ

ഭാഷയുടെ ദാർശനികമാനങ്ങൾ വിശദമായി പ്രതിപാദിക്കുന്ന പ്രാചീനസംസ്ക്യത്ര ഗ്രന്ഥമായ വാക്യപദീയം ഭാരതത്തിന്റെ അതിപ്രാചീനമായ ഭാഷാപാനപാരമ്പര്യത്തിലെ തിളങ്ങുന്ന രത്നമത്. എങ്ങനെയാണ് ഭാഷയെ അപഗ്രഥിക്കേണ്ടതെന്നു നമ്മ പഠിപ്പിച്ചത് (പാചീനരായ ഹിന്ദുവൈയാകരണന്മാരാണെന്ന് ആധുനികഭാഷാശാസ്ത്രത്തിന് അടിത്തറ പാകിയവരിലൊരാളായ ലിയോനാൾഡ് ബ്ലൂംഫീൽഡിനെക്കൊണ്ടു പറയിച്ചത് ഇത്തരം പ്രാചീന സംസ്കൃത കൃതികളാണ്. ബഹ്മരൂപമായ ശബ്ദതത്ത്വം വിശദീകരിക്കുന്ന വാക്യപദീയത്തിന്റെ പ്രഥമാധ്യായം “ബ്രഹ്മകാണ്ഡം' എന്നു പ്രസിദ്ധം, ആ കാണ്ഡത്തിന്റെ വിവർത്തനവും വിവരണവുമായ ഈ കൃതി ഭാഷാപഠനതൽപരർക്ക് ഉപകരിക്കും.

സാഹിത്യത്തിന്റെയും ഭാഷയുടേയും പരിഭാഷയുടെയും താത്ത്വികനിർവചനങ്ങളെയും ചങ്ങമ്പുഴക്കവിതയുടെ പാശ്ചാത്യസ്വാധീനത്തെയും ആധികാരികമായി ചർച്ചചെയ്യുന്ന പഠനപുസ്തകം.

കവിത, നോവല്‍, നാടകം, നിരൂപണം, എന്നീ സാഹിത്യവിഭാഗങ്ങളുടെ മൗലികമായ സവിശേഷതകളെക്കുറിച്ചു പ്രതിപാദിക്കുന്ന പ്രൗഢമായ പതിനാലു പ്രബന്ധങ്ങളുടെ സമാഹാരം. കാഴ്ചയുടെ ലോകത്തെ സൂര്യപ്രഭയാകുന്നു 'രാജവീഥി'യിലെ ഓരോ പ്രബന്ധവും.

ഉന്മീലനം, പ്രപഞ്ചനം, ആസ്വാദനം, വിമർശനം, പഠനം, സ്മരണം ഈ വകുപ്പുകളിൽ പെടുത്താവുന്ന സാഹിത്യബന്ധമുള്ള പതിനാറു ലേഖനങ്ങൾ. പൂന്താനം മുതൽ ചെറുകാട് വരെയുള്ള ഏതാനും എഴുത്തുകാരും അവരുടെ കൃതികളും ഇതിൽ കടന്നുവരുന്നു.

ഇരുപതാംനൂറ്റാണ്ടിന്‍റെ മദ്ധ്യദശകങ്ങള്‍ കേരളത്തിന് ഒരു സുവവര്‍ണദശയായിരുന്നു. ഒളി മങ്ങാത്ത പ്രതീക്ഷകളും നിഷ്കൃഷ്ടമായ കര്‍മവീര്യവും ആ സുവര്‍ണദശയെ ഹൃദയഹാരിയാക്കി. എന്നാല്‍ ആ മദ്ധ്യാഹ്നദീപ്തി അതിവേഗം അസ്തമയോന്മുഖമാകുന്നതാണ് അനുഭവം. ഇക്കാലത്ത് കേരളത്തിലെ നാനാജീവിതരംഗങ്ങളില്‍ വ്യവഹരിച്ചുകൊണ്ട് കാവ്യരചനയിലേര്‍പ്പെട്ട നമ്മുടെ കവികള്‍ ഈ അനുഭവത്തെ അതിന്‍റെ എല്ലാ തലങ്ങളെയും നിറം പിടിപ്പിച്ചുകൊണ്ട് കരളലിയിക്കുന്ന കാവ്യാനുഭവങ്ങളാക്കി. അങ്ങനെ ഒരു ജനതയുടെ സ്വപ്നങ്ങളും പ്രതീക്ഷകളും മങ്ങിപ്പൊലിയുന്നതിന്‍റെ അഴലും വേദനകളുമാണ് ഇക്കാലത്ത് രണ്ടാംതലമുറക്കാരായി അരങ്ങത്തുവന്ന കവികളുടെ മുഖ്യസ്വരം.

മുല്ലനേഴിക്കവിതകളുടെ ശക്തിസൗന്ദര്യങ്ങള്‍ തേടുന്ന അവതാരികകളുടെയും പഠനങ്ങളുടെയും സമാഹാരം.

മണിപ്രവാളകൃതികൾ വിഷയമാക്കി ധാരാളം ഗ്രന്ഥങ്ങളുണ്ട്. മുൻ പഠനങ്ങളിൽ നിന്നു വ്യത്യസ്‌തമായി കേരളത്തിന്റെ സാമൂഹ്യവും സാംസ്‌കാരികവുമായ ചരിത്രത്തിന്റെ പശ്‌ചാത്തലത്തിൽ മണിപ്രവാളകൃതികളെ വിലയിരുത്താനും വ്യാഖാനിക്കാനുമുള്ള ശ്രമമാണ് ഈ ഗ്രന്ഥം.