Literary Fiction

''അധികം വൈകാതെ മേഘരാജിന്റെ നേത്യത്വത്തിൽ മഴമേഘങ്ങൾ സൈമ നഗരപ്രാന്തങ്ങളിലെത്തി. അതിനുമുമ്പുതന്നെ നഗരത്തിനു മീതെ അടിഞ്ഞുകൂടിയിരുന്ന ജാനിയുടെ മേഘങ്ങൾ ഘോരഘോരം ആർത്തട്ടഹസിക്കാൻ തുടങ്ങി. അതുകണ്ട ശത്രുമേഘങ്ങൾ ചിന്നിച്ചിതറി എവിടെയോ പോയ് മറഞ്ഞു. തന്റെ സൈന്യം തോറ്റോടിയതിന്റെ കാരണം ഊഹിച്ച മേഘരാജ് ജാനിയെ പുറത്തു വലിച്ചിട്ടു പിച്ചിച്ചീന്താൻ തുടങ്ങി. ഉടനെ ജാനി അവനു നേരെ അതിശക്തമായ ഒരു ഇടിനാദം തന്റെ ചെവിയിൽ നിന്നും അയച്ചു. ഇടിയെ കണ്ടപ്പോൾ ഒരു മിന്നൽ പിണരും കൂടെ കൂടി. അവ രണ്ടും മേഘരാജിന്റെ തലയിൽ പതിച്ചതും അവൻ നിന്നനില്പിൽ ചത്തുമലച്ചുവീണു''. ഫിൻലാൻഡിലെ നാടോടിക്കഥകളെ കോർത്തിണക്കിയ കൃതിയാണ് ഫിന്നിഷ് വിശ്വകഥകൾ. ഫിൻലാൻഡിൽ ഏറെ പ്രചാരമുള്ള ഈ കഥകൾ ഏവരെയും ആകർഷിക്കാൻ പര്യാപ്തമായവയാണ്. ഫിൻലാൻഡിലെ ചരിത്രം, ഭൂമിശാസ്ത്രം, നാടോടി സാഹിത്യം എന്നിവയെ കൂട്ടിയിണക്കിയ രസകരമായ കൃതി.

കഥയുടെ കുലപതിയായ ടി. പത്മനാഭന്‍ സംഗീതത്തിന്റെ അഭൗമവിസ്തൃതികളിലൂടെ ചിറകുവിരിച്ച് പറന്നപ്പോഴുണ്ടായ സൂക്ഷ്‌മാനുഭവങ്ങളുടെ മുദ്രകളാണ് ഈ സമാഹാരത്തില്‍. പ്രശസ്ത നിരൂപകൻ കെ.പി. അപ്പന്‍ പറയുന്നു: "എല്ലാവിധ അവ്യവസ്ഥയേയും ആഖ്യാനസ്വരത്തിന്റെ ലാളിത്യത്താല്‍ ഒരു നിശ്ചിതഘടനയിലേക്ക് കൊണ്ടുവരുന്ന കലയാണ് പത്മനാഭന്റേത്. എല്ലാവിധ വൈരുധ്യങ്ങളേയും ഉഴുതുമറിച്ച് അവയെ പത്മനാഭന്റെ ആഖ്യാനരീതി ഒരു ലയത്തില്‍ എത്തിക്കുന്നു. പത്മനാഭന്‍ എഴുതുമ്പോള്‍ വികാരങ്ങളുടെ ആന്തരികതയില്‍ ഒരു സംഗീതം എത്തിച്ചേരുകയാണ്. എല്ലാവിധ വൈരുധ്യങ്ങളെയും അവ്യവസ്ഥകളേയും വിപരീതങ്ങളേയും സൗമ്യമായി ശാന്തമാക്കുന്ന സംഗീതമാണിത്.”