Balachandran

ചോക്ലേറ്റിന്റെ ലോകത്തിൽ വിസ്മയങ്ങൾ നിറച്ച മിസ്റ്റർ വില്ലി വോങ്കയുടെ പ്രസിദ്ധമായ ചോക്ലേറ്റ് ഫാക്ടറി വീണ്ടും തുറക്കാൻ പോവുകയാണ്. അതിനുള്ളിലേക്ക് കയറാൻ ഭാഗ്യം ലഭിച്ച അഞ്ചു പേരിൽ ഒരാൾ ചാർളി ബക്കറ്റാണ്; ദിവസം മുഴുവൻ കോൺഫ്ലേക്സിന്റെ സൂപ്പു കൊണ്ട് വയറു നിറച്ചിരുന്നവൻ. ഈ ഒരൊറ്റ അത്ഭുതസംഭവം നിമിത്തം ചാർളി ബക്കറ്റിന്റെ ജീവിതമാകെ മാറി മറിയുന്നു.

അമ്മയ്ക്കൊപ്പം മോസ്കോ നഗരത്തിൽ താമസിക്കുന്ന രണ്ടു കുസൃതികളാണ് ചുക്കും ഗെക്കും. അവരുടെ അച്ഛൻ വളരെ വളരെ ദൂരെ മഞ്ഞു മൂടിയ നാട്ടിലാണ് ജോലി ചെയ്യുന്നത്. അച്ഛനൊപ്പം അവധിക്കാലം ചെലവഴിക്കാൻ പോകുന്ന ചുക്കും ഗെക്കും അവരുടെ അമ്മയും ആ മഞ്ഞുനാട്ടി പെട്ടുപോകുന്നു. സാഹസികത നിറഞ്ഞ അവരുടെ യാത്രയും ജീവിതവുമാണ് റഷ്യൻ എഴുത്തുകാരനായ അർക്കാദി ഗൈദാർ കുട്ടികൾക്കായി എഴുതിയ ചുക്കും ഗെക്കും. കഴിഞ്ഞ നൂറ്റാണ്ടിന്റെ എൺപതുകളിൽ കേരളത്തിലെ കുട്ടികളെ കൊതിപ്പിച്ച പുസ്തകമാണിത്. മോസ്കോയിലെ പ്രോഗ്രസ് പബ്ലിഷേഴ്സ് 1978-ൽ പ്രസിദ്ധീകരിച്ച മലയാളം പതിപ്പിന്റെ പുനഃപ്രസിദ്ധീകരണം. മൊഴിമാറ്റം: ഗോപാലകൃഷ്ണൻ ചിത്രീകരണം: ഡി. ദുബീൻസ്കിയ്