Cinemayum Novelum: Kazhchayude Vinimaya Vicharangal

തൊണ്ണൂറുകളിൽ ചലച്ചിത്ര നിരൂപകർ പ്രകടിപ്പിച്ചുകൊണ്ടിരുന്ന ഒരു ഭയം പ്രദേശിക സിനിമകളെ ഹോളിവുഡ് കീഴടക്കുന്നതുമായി ബന്ധപ്പെട്ടതായിരുന്നു. അന്ന് അതിന് ധാരാളം ഉദാഹരണങ്ങളും ഉണ്ടായിരുന്നു. ബഹുസ്വരതയും ജനാധിപത്യ സംവേദനങ്ങളും അവസാനിച്ചു പോകുമെന്ന് അവർ അക്കാലത്ത് ഭയന്നിരുന്നു. അന്ന് എഴുത്തുകാരും ചിന്തകരും ഭയന്നതുപോലെ പ്രാദേശിക സിനിമകൾ അവസാനിച്ചില്ല. അവർ ഹോളിവുഡ് സിനിമാ സമവാക്യങ്ങളുടെ മാന്ത്രികവലയത്തിലേക്ക് ചെന്ന് വീഴാൻ തുടങ്ങി. ആ വലയത്തിൽ നിന്ന് രക്ഷപ്പെടാൻ ശ്രമിക്കുന്ന സിനിമകൾ ഇപ്പോഴും ലോകം മുഴുവൻ നിർമ്മിച്ചുകൊണ്ടിരിക്കുന്നു. അവ തിരിച്ചറിയാൻ നിതാന്ത ജാഗ്രത ആവശ്യമാണ്. അല്ലെങ്കിൽ ആൾക്കൂട്ടത്തിൽ നിന്നും അവയുടെ സംവിധായകരെ കണ്ടെത്താൻ പ്രയാസം നേരിടും. സി.വി. രമേശൻ അങ്ങനെയൊരു ശ്രമമാണ് ഇന്ത്യൻ ഭാഷകളിലേയും വിദേശഭാഷകളിലേയും സിനിമകളെ സൂക്ഷമമായി പഠിക്കുന്ന ഈ സമാഹാരത്തിലൂടെ നടത്തുന്നത്.

സിനിമയുടെ മാറുന്ന ദൃശ്യസ്വഭാവത്തെയും ഭാവുകത്വത്തെയും ചരിത്രബോധത്തോടെ സമീപിക്കുന്ന പത്തു ലേഖനങ്ങളുടെ സമാഹാരം. എ ചന്ദ്രശേഖർ എഴുതിയ സിനിമ: കറുത്ത യാഥാർത്ഥ്യങ്ങളുടെ ദൃശ്യകാമനകൾ.

പോരാട്ടങ്ങളുടെയും പലായനങ്ങളുടെയും മുറിപ്പാടുകൾ പേറുന്ന ലോകരാഷ്ട്രങ്ങളിലെ ചലച്ചിത്രക്കാഴ്ചകൾ അലോസരപ്പെടുത്തുന്നവയാണ്. അത്തരം ദൃശ്യവിസ്മയങ്ങളിലേക്കു തുറക്കുന്ന ജാലകമാണ് ബാർലി വയലുകളെ ഉലയ്ക്കുന്ന കാറ്റ്. സമകാലിക ലോകസിനിമയെ അടയാളപ്പെടുത്തുന്ന 20 കുറിപ്പുകൾ.