Decemberile Kilimuttakal

തന്റെ മനസ്സ് അതേ മട്ടിൽ വാക്കുകളിൽ പകരണമെന്നല്ലാതെ വായനക്കാരനെ അനുനയിപ്പിക്കാനോ പ്രേരിപ്പിക്കാനോ വേണ്ടി ഭാഷാപരമായ തന്ത്രങ്ങൾ പ്രയോഗിക്കണമെന്ന് കൊടുങ്ങല്ലൂർ ആഗ്രഹിക്കുന്നില്ല. എന്നാൽ, ആ വാക്കിൽ, വാക്കുകളുടെ സന്നിവേശക്രമത്തിൽ, അതിൽ നിന്ന് നിസ്സരിക്കുന്ന സൂക്ഷ്‌മസംഗീതത്തിന്റെ ആരോഹണാവരോഹണങ്ങളിൽ, താൻ സന്നിധാനം ചെയ്യണമെന്ന നിർബന്ധം ഉണ്ടായിരിക്കുകയും ചെയ്യും ശൈലി വ്യക്തി തന്നെയാണ് എന്ന ചൊല്ല് എങ്ങനെയാണ് സനാഥമാകുന്നതെന്ന് അറിയാൻ 'മിഥ്യകൾ സങ്കല്പങ്ങൾ' വായിച്ചാൽ മതി.

"നിരന്തരമായ ബൈബിൾ പഠനവും, ആത്മകഥാപരമായ ചില ഓർത്തെടുക്കലും, ആഴത്തിലും പരപ്പിലും വായിച്ചുകൂട്ടിയവയുടെ ദഹനചാലുകളും, മാതൃകാകുടുംബജീവിതത്തിന്റെ സമസ്തഭാവങ്ങളും, ആൾക്കൂട്ടത്തിലാണെങ്കിലും തനിയെ നടന്നപ്പോൾ ശ്രദ്ധിച്ച പലരുടെയും പാദമുദ്രകളും എല്ലാം ചേർന്ന ഒരു നേർക്കാഴ്ച, എഴുത്തുകാരിക്ക് കാഴ്ചയ്ക്കപ്പുറം ഒത്തിരി ഉൾക്കാഴ്ചകൾ സമ്മാനിച്ചു. ആ ഉൾക്കാഴ്ചകൾ അക്ഷരമായിവിടെ പിറവിയെടുക്കുന്നു." - ഫാ. ഡോ. ജേക്കബ് കുര്യൻ