Gandhiyude Dharmadhathukkal

"ഈ പുസ്തകം വായിച്ചുതീരുമ്പോള്‍ നമുക്കൊരു തിരിച്ചറിവു കിട്ടുന്നു. ആധുനിക ഹിന്ദുമതത്തിന്‍റെ വ്യാജനിര്‍മ്മിതിയില്‍നിന്നും, അല്ലെങ്കില്‍ ഹിന്ദുവില്‍നിന്നും ഭാരതീയനിലേക്ക് തിരിച്ചുനടക്കേണ്ട ദൂരം ഒത്തിരി അകലെയല്ല എന്നതാണ് ആ തിരിച്ചറിവ്. അതിലേക്കുള്ള പ്രയത്നം രാജ്യത്തിന്‍റെ നന്മയ്ക്കും ലോകത്തിന്‍റെ നന്മയ്ക്കും അനിവാര്യമായ ഒന്നാണ്. അതിനായുള്ള ഏതു പ്രയത്നവും അഭിനന്ദനമര്‍ഹിക്കുന്നതാണ്. ഈ ആസുരകാലത്ത് ഇത്തരം നന്മയുടെ അക്ഷരവെളിച്ചങ്ങളിലാണ് നമ്മുടെ പ്രതീക്ഷ. ഇത്തരം കൈവിളക്കുകളേന്തി നമുക്ക് മുന്നേറാന്‍ സാധിച്ചാല്‍ രാജ്യം ധര്‍മ്മരാജ്യവും ഗേഹം ധന്യഗേഹവുമാകും." - വേദാന്താചാര്യ സ്വാമി സംവിധാനന്ദ്, ഹരിദ്വാർ മതത്തിന്റെയും ഭാഷയുടെയും വേലിക്കെട്ടുകൾക്കുള്ളിലേക്ക് ഒരു ജനതയെ ഒട്ടാകെ തള്ളിക്കയറ്റാനും ചില വിഭാഗങ്ങളെ അധമരാക്കി മുദ്ര കുത്തി പുറത്താക്കാനുമുള്ള നൃശംസമായ ശ്രമങ്ങൾ അരങ്ങേറുന്ന ഇക്കാലത്ത് ഭാരതത്തിനെയും അതിന്റെ പൈതൃകത്തിനെയും സാഹോദര്യത്തിനെയും സ്നേഹിക്കുന്ന ഓരോരുത്തരും വായിക്കേണ്ട കൃതി.

മതവർഗീയതയും മതതീവ്രവാദവും ഇന്ത്യയുടെ മതേതരസങ്കല്പത്തിനു മങ്ങലേൽപ്പിക്കുന്ന വർത്തമാനകാലഘട്ടത്തിൽ മതേതര ഇന്ത്യക്കായി ഗാന്ധിജിയുടെ രാമനെ പുനർവായിക്കുന്ന അഴീക്കോടിന്റെ ലേഖനങ്ങൾ. ജാതിമതഭേദങ്ങളില്ലാത്ത, സർവമതസമഭാവനയിൽ അധിഷ്ഠിതമായ രാഷ്ട്രസങ്കല്പമായി രാമരാജ്യത്തെ വിഭാവനം ചെയ്യുന്ന പ്രൗഢചിന്തകൾ.