Guru Dutt: Cinemayum Jeevithavum

ഹെൻഡ്രി ബർഗ്സണും ആന്ദ്രേ തർക്കോവ്സ്കിയും ഗൊദാർദും ഹെയ്ദഗ്ഗറുമെല്ലാം അവതരിപ്പിച്ച കാലസങ്കേതങ്ങളെ ലോകസിനിമയുടെ പശ്ചാത്തലത്തിൽ മലയാളസിനിമയിലേക്ക് സംക്രമിപ്പിക്കുകയാണ് ഈ കൃതിയിൽ. മികച്ച സിനിമാഗ്രന്ഥത്തിനുള്ള സംസ്ഥാന അവാർഡ് നേടിയ കൃതി.

തൊണ്ണൂറുകളിൽ ചലച്ചിത്ര നിരൂപകർ പ്രകടിപ്പിച്ചുകൊണ്ടിരുന്ന ഒരു ഭയം പ്രദേശിക സിനിമകളെ ഹോളിവുഡ് കീഴടക്കുന്നതുമായി ബന്ധപ്പെട്ടതായിരുന്നു. അന്ന് അതിന് ധാരാളം ഉദാഹരണങ്ങളും ഉണ്ടായിരുന്നു. ബഹുസ്വരതയും ജനാധിപത്യ സംവേദനങ്ങളും അവസാനിച്ചു പോകുമെന്ന് അവർ അക്കാലത്ത് ഭയന്നിരുന്നു. അന്ന് എഴുത്തുകാരും ചിന്തകരും ഭയന്നതുപോലെ പ്രാദേശിക സിനിമകൾ അവസാനിച്ചില്ല. അവർ ഹോളിവുഡ് സിനിമാ സമവാക്യങ്ങളുടെ മാന്ത്രികവലയത്തിലേക്ക് ചെന്ന് വീഴാൻ തുടങ്ങി. ആ വലയത്തിൽ നിന്ന് രക്ഷപ്പെടാൻ ശ്രമിക്കുന്ന സിനിമകൾ ഇപ്പോഴും ലോകം മുഴുവൻ നിർമ്മിച്ചുകൊണ്ടിരിക്കുന്നു. അവ തിരിച്ചറിയാൻ നിതാന്ത ജാഗ്രത ആവശ്യമാണ്. അല്ലെങ്കിൽ ആൾക്കൂട്ടത്തിൽ നിന്നും അവയുടെ സംവിധായകരെ കണ്ടെത്താൻ പ്രയാസം നേരിടും. സി.വി. രമേശൻ അങ്ങനെയൊരു ശ്രമമാണ് ഇന്ത്യൻ ഭാഷകളിലേയും വിദേശഭാഷകളിലേയും സിനിമകളെ സൂക്ഷമമായി പഠിക്കുന്ന ഈ സമാഹാരത്തിലൂടെ നടത്തുന്നത്.

കാണുന്ന വേളയിലെ വൈകാരികവും വൈചാരികവുമായ തീവ്രതകളിൽ നിന്ന് മാറി നിന്നുകൊണ്ട്, കണ്ട സിനിമയുടെ / സിനിമയിലെ മറ്റൊരു കാഴ്ചയും അനുഭവവും അറിവും തേടുകയാണ് അതിനേക്കുറിച്ചുള്ള എഴുത്ത് ചെയ്യുന്നത്. ആ സന്ദർഭത്തിൽ ഓരോ സിനിമയ്ക്കും നമ്മുടെ മനസിൽ പല രൂപപരിണാമങ്ങളും സംഭവിക്കുന്നു.