Hawa Beach

നാട് മുഴുവനും ആദരവോടെ കാണുന്ന പുത്തന്‍വീട് തറവാട്ടിലെ ഇളമുറക്കാരിയായ സുഗന്ധിയില്‍ തികച്ചും അപ്രതീക്ഷിതമായാണ് മാറ്റങ്ങള്‍ കണ്ടുതുടങ്ങിയത്. താനറിയാതെ മറ്റൊരാളായി മാറിയ സുഗന്ധിക്ക് വെളിപ്പെടുത്താനുള്ളത് ചില ഞെട്ടിക്കുന്ന രഹസ്യങ്ങളായിരുന്നു. വായനക്കാരില്‍ ഉള്‍ക്കിടിലം സൃഷ്ടിക്കുന്ന മാന്ത്രികനോവൽ‍- പവിത്രമോതിരം.

എവിടെനിന്നോ അലഞ്ഞെത്തിയ വീരഭദ്രന്‍ എന്ന ബാലന് അഭയം നല്‍കുകയും അവനെ മാന്ത്രിക-താന്ത്രിക വിദ്യകള്‍ പഠിപ്പിക്കുകയും ചെയ്തു എന്നതു മാത്രമായിരുന്നു വലിയകോയിക്കല്‍ നാരായണമേനോന്‍ ചെയ്ത തെറ്റ്. ഗുരുവിനെ വീഴ്ത്തി നാടിനു മുകളില്‍ ഇരുണ്ട കരിമ്പടം പോലെ വീരഭദ്രന്‍ പടര്‍ന്നു. താനിച്ഛിക്കുന്ന സ്ത്രീകളെ ഏതു വിധേനയും പ്രാപിച്ചും എതിര്‍ക്കാന്‍ ശ്രമിക്കുന്നവരുടെ നിഴലുകളില്‍ മാരകപ്രയോഗം നടത്തിയും അനിഷേദ്ധ്യനായി വീരഭദ്രന്‍ വിരാജിച്ചു. വീരഭദ്രന്‍റെ മാന്ത്രികശക്തിക്കും തേര്‍വാഴ്ചയ്ക്കും തടയിടാൻ പോന്ന ഒരു രക്ഷകനു വേണ്ടി നാടു മുഴുവനും തൊഴുകൈയോടെ പ്രാര്‍ത്ഥിച്ചു. ഒടുവില്‍ അവനെത്തി... പക്ഷേ, വീരഭദ്രന്‍റെ അമാനുഷികശേഷിക്കു മുന്‍പില്‍ പിടിച്ചുനില്‍ക്കാന്‍ അയാള്‍ക്കാകുമോ? വായക്കാരെ ആകാംക്ഷയുടെ മുള്‍മുനയില്‍ നിര്‍ത്തുന്ന മാന്ത്രികനോവൽ.