Hrudayageethangal

ഹിന്ദുസ്ഥാനി സംഗീതത്തിലെ മാന്ത്രികന്‍ പണ്ഡിറ്റ് ശിവകുമാര്‍ ശർമ, ഇന്ത്യാവിഭജനത്തെ തുടര്‍ന്ന് പാക്കിസ്ഥാന്‍കാരനായി പിന്നെ അതിര്‍ത്തികള്‍ ഭേദിച്ച് ഷഹനായ് കച്ചേരി നടത്തി മതേതരത്വത്തിന്റെ കുറുങ്കുഴലൂതിയ ബിസ്മില്ലാഖാന്‍, തബലയുടെ അനന്തസാധ്യതകള്‍ കണ്ടെത്തി പരീക്ഷണങ്ങളിലൂടെ സകല ഋതുക്കളേയും അനുഭവിപ്പിച്ച സാക്കിര്‍ ഹുസൈന്‍, നമ്മെ സ്വപ്‌നജീവികളാക്കുന്ന സംഗീതത്തിന്റെ ഒഴുക്കിലേക്ക് തള്ളിവിടുന്ന സ്‌ത്രൈണവും പൗരുഷവുമായ ശബ്ദത്തിനുടമയായ എരഞ്ഞോളി മൂസ, ഇശലുകളും മാപ്പിളപ്പാട്ടുസാഹിത്യവും നവോത്ഥാനസങ്കല്‍പങ്ങളോടിണക്കിയ മോയിന്‍കുട്ടി വൈദ്യര്‍, സംഗീതത്തിലെ ഇതിഹാസസാന്നിധ്യമായ ലതാ മങ്കേഷ്‌കര്‍, തന്റെ പാട്ടുകള്‍ തന്നെ ഉയിരാക്കി മാറ്റിയ നഞ്ചിയമ്മ തുടങ്ങിയവർ ഈ ഗ്രന്ഥത്തെ മികവുറ്റതാക്കുന്നു. ചലച്ചിത്ര പിന്നണിഗാന ചരിത്രത്തിലെ വജ്രവർഷങ്ങൾക്കു നൽകുന്ന ഉപഹാരപുസ്തകം.

അത്രയ്ക്ക് പ്രിയപ്പെട്ട ഒരാള്‍ തൊട്ടടുത്തിരുന്ന് ചെവിയില്‍ സ്വകാര്യം പറയുന്നതുപോലെ മൃദുവായി രവി മേനോന്‍ ഓരോരോ കഥകള്‍ പറയുകയാണ്. ഓരോ കാലത്തെ പാട്ടുകള്‍ പിറന്ന വഴികളാണ് കഥയില്‍ നിറയുന്നത്. അതിലൂടെ പാട്ടുചരിത്രം ചുരുള്‍ നിവരുന്നു. പാട്ടിനെ സ്നേഹിക്കുന്നവര്‍ കേട്ടിരുന്നുപോകും പ്രിയതരമായ ഈ സ്വകാര്യങ്ങള്‍.