Itivuthakapali

ദൈവികത ഹൃദയത്തിൽ തേടുന്ന അന്വേഷിയുടെ ഇരുചിറകുകൾ പ്രണയവും സമർപ്പണവുമാണെന്ന അനുഭവപ്പൊരുളിനെ ലളിതവും മനോഹരവുമായി അടയാളപ്പെടുത്തുന്ന അപൂർവ പുസ്തകം. ഇസ്‌ലാമിന്റെ കർമതലങ്ങളോ, വിശ്വാസവഴികളോ അല്ല ഈ ഗ്രന്ഥത്തിലെ പ്രതിപാദ്യവിഷയം. മറിച്ച്, ഇസ്‌ലാം എന്ന പ്രണയസമർപ്പണത്തിന്റെ സ്പന്ദിക്കുന്ന ഹൃദയതാളം രേഖപ്പെടുത്തുകയാണ് എഴുത്തുകാരി.

ഇസ്‌ലാമിന്റെ പേരിൽ നടക്കുന്ന കലാപങ്ങൾക്കും സ്പർധകൾക്കും ഒച്ചപ്പാടുകൾക്കുമപ്പുറത്ത് മറ്റൊരു ഇസ്‌ലാമുണ്ട്. അതിവേഗം മാറിക്കൊണ്ടിരിക്കുന്ന ലോകത്തേക്കുറിച്ചുള്ള കൃത്യമായ ഉൾക്കാഴ്ച പ്രദാനം ചെയ്യുന്ന കാലാനുവർത്തിയായ ഇസ്‌ലാമിന്റെ വിവിധ വഴികളും വകഭേദങ്ങളും കാഴ്ചപ്പാടുകളും നമുക്കവിടെ കാണാൻ സാധിക്കും. ഇസ്‌ലാം സഹജമായി ആക്രമണോത്സുകവും സ്ത്രീവിരുദ്ധവുമാണോ? എന്തുകൊണ്ടാണ് യുവാക്കൾ ജിഹാദി ഖിലാഫത്ത് സ്ഥാപിക്കാൻ ഇസിസിലേക്കു പോകുന്നത്? ഇസ്‌ലാമിന് കാലാനുസൃതമായ നവീകരണം ആവശ്യമുണ്ടോ? തുടങ്ങി അനവധിയായ ചോദ്യങ്ങളെ സിയാവുദ്ദീൻ സർദാർ ചർച്ചയ്ക്ക് വയ്ക്കുന്നു.