Madhyamam: Maulikathayum Nirakaranavum

തന്റെ മനസ്സ് അതേ മട്ടിൽ വാക്കുകളിൽ പകരണമെന്നല്ലാതെ വായനക്കാരനെ അനുനയിപ്പിക്കാനോ പ്രേരിപ്പിക്കാനോ വേണ്ടി ഭാഷാപരമായ തന്ത്രങ്ങൾ പ്രയോഗിക്കണമെന്ന് കൊടുങ്ങല്ലൂർ ആഗ്രഹിക്കുന്നില്ല. എന്നാൽ, ആ വാക്കിൽ, വാക്കുകളുടെ സന്നിവേശക്രമത്തിൽ, അതിൽ നിന്ന് നിസ്സരിക്കുന്ന സൂക്ഷ്‌മസംഗീതത്തിന്റെ ആരോഹണാവരോഹണങ്ങളിൽ, താൻ സന്നിധാനം ചെയ്യണമെന്ന നിർബന്ധം ഉണ്ടായിരിക്കുകയും ചെയ്യും ശൈലി വ്യക്തി തന്നെയാണ് എന്ന ചൊല്ല് എങ്ങനെയാണ് സനാഥമാകുന്നതെന്ന് അറിയാൻ 'മിഥ്യകൾ സങ്കല്പങ്ങൾ' വായിച്ചാൽ മതി.

മലയാളിയുടെ സാംസ്കാരിക സാമുഹ്യ ജീവിതത്തെ അതിന്റെ നിലപാടുകളോടെ വിലയിരുത്തുകയും ചർച്ചചെയ്യുകയും ചെയ്യുന്ന ശ്രദ്ധേയങ്ങളായ ഇരുപത്തിനാലു ലേഖനങ്ങൾ.

സാമൂഹിക സാമ്പത്തിക വികസന സമീപനങ്ങളിൽ പുലർത്തിപ്പോന്ന മൗലികമായ വ്യത്യസ്തത കേരളം പുതിയ നൂറ്റാണ്ടിലും തുടരുകയാണ്. നിയോ ലിബറൽ തരംഗം ലോകമാകെ ആഞ്ഞു വീശിയപ്പോഴും, സാധാരണ ജനങ്ങൾക്ക് സാമൂഹിക സാമ്പത്തിക സുരക്ഷയൊരുക്കി അവരെ കൈപിടിച്ചുയർത്തുന്ന സവിശേഷ സമീപനം കൈവിടാൻ കേരളം തയാറായില്ല. മാത്രമല്ല, ലോകം മുഴുവൻ പൊതുമേഖല തകർക്കപ്പെട്ടപ്പോൾ വിദ്യാഭ്യാസരംഗത്തും ആരോഗ്യമേഖലയിലുമൊക്കെ പൊതുമേഖലാസ്ഥാപനങ്ങളെയും അതുവഴി പൊതുജനങ്ങൾക്ക് കിട്ടുന്ന സേവനങ്ങളെയും ശക്തിപ്പെടുത്തുകയും കാര്യക്ഷമമാക്കുകയും ചെയ്യുക വഴി കേരളം നമ്മുടെ രാജ്യത്തിനകത്തും പുറത്തും വീണ്ടും അത്ഭുതങ്ങൾ സൃഷ്ടിക്കുകയാണ്. വിവിധ മേഖലകളിൽ നടന്നുകൊണ്ടിരിക്കുന്ന ഈ കേരള പരീക്ഷണങ്ങളുടെ കഥയാണ് ഇടതുപക്ഷ ബദൽ.