Mathangaleela

കടലിനോടു മല്ലിടുന്ന മനുഷ്യരും അവരുടെ അനുഭവങ്ങളും പരമ്പരാഗതമായി ആർജിച്ച അറിവുകളും. കടലനുഭവങ്ങള്‍ ഏറെയൊന്നും നമ്മുടെ സാഹിത്യലോകത്ത് പരിചിതമല്ല. അലറിക്കുതിച്ചെത്തുന്ന തിരമാലകള്‍, കണ്ണെത്താത്ത പാരാവാരപ്പരപ്പ്, അതിനപ്പുറം കടലിനെ അറിയാന്‍ കടലിന്റെ മക്കളായ മത്സ്യത്തൊഴിലാളികള്‍ക്കേ കഴിയൂ. മരണം വാ പിളര്‍ന്നെത്തുന്ന നീരാഴിയില്‍ ജീവിതസമരത്തിലേര്‍പ്പെടുന്നവരാണവര്‍. അവരുടെ ജീവിതാനുഭവങ്ങള്‍ തികച്ചും വ്യത്യസ്തവും ജിജ്ഞാസയുണര്‍ത്തുന്നതുമാണ്. പരമ്പരാഗതമായി അവര്‍ ആര്‍ജിച്ച അനുഭവങ്ങളും കടലറിവുകളും പങ്കുവെക്കുകയാണ് റോബർട്ട് പനിപ്പിള്ള ഈ പുസ്തകത്തിൽ. മത്സ്യബന്ധനത്തില്‍ പങ്കെടുത്ത പ്രായോഗിക പരിജ്ഞാനവും ഒരു ഗവേഷകന്റെ അന്വേഷണ ത്വരയും റോബര്‍ട്ട് പനിപ്പിള്ളയില്‍ ഒത്തുചേരുന്നു. പ്രകൃതിശാസ്ത്ര പഠനത്തിന് മുതല്‍ക്കൂട്ടായ ഗ്രന്ഥമാണ് 'കടലറിവുകളും നേരനുഭവങ്ങളും'. കടലുകള്‍, കാര്‍ത്തികയിലെ കള്ളക്കടല്‍, ശീതസമരം, കടലിലെ സത്യഗ്രഹം, കൈവിരല്‍ത്തുമ്പില്‍ കണ്ണുള്ളവര്‍, കപ്പല്‍പ്പാരിന്റെ കണ്ടുപിടിത്തം, സ്രാവിന്റെ വായില്‍ നിന്നും അത്ഭുതകരമായ രക്ഷപ്പെടല്‍, കടലടിത്തട്ടിലെ മായക്കാഴ്ചകള്‍, വാളത്തി, ആനവിരാലി, സുനാമിയുടെ കാണാപ്പുറം, തുടങ്ങിയ ലേഖനങ്ങള്‍.

"പരിസ്ഥിതിയെക്കുറിച്ചുള്ള മാധവ് ഗാഡ്‍ഗിലിന്റെ ഉൾക്കാഴ്ചകൾ, പ്രവർത്തനങ്ങളിലുള്ള ഉത്സാഹം, ജനങ്ങളുടെ ഉപജീവനം മെച്ചപ്പെടുത്തുന്നതിലുള്ള പ്രതിബദ്ധത, അതോടൊപ്പം, ചുറ്റുമുള്ള പാരിസ്ഥിതികാവസ്ഥയുടെ സുസ്ഥിരതയെക്കുറിച്ചുള്ള ഉത്കണ്ഠ എന്നിവ ഈ പുസ്തകത്തിൽ സ്പഷ്ടമാണ്. മാനുഷികമുഖമുള്ള ഒരു പരിസ്ഥിതിശാസ്ത്രബോധം ഈ പുസ്തകം മുന്നോട്ടുവെക്കുന്നു. കഴിഞ്ഞ ഏഴു ദശാബ്ദത്തിലെ മാധവിന്റെ ജീവിതത്തെയും കർമമണ്ഡലത്തെയും ഈ പുസ്തകം നമുക്കു പരിചയപ്പെടുത്തുന്നു." - ഡോ. എം എസ് സ്വാമിനാഥൻ "സാമൂഹികനീതിയോട് അഗാധമായ പ്രതിബദ്ധതയും അധികാരത്തിലുള്ളവരോട് സദാ സന്ദേഹവും പുലർത്തുന്ന വ്യക്തിയാണ് മാധവ് ഗാഡ്ഗിൽ. കർഷകരിൽ നിന്നും ആട്ടിടയന്മാരിൽ നിന്നും പഠിച്ച കാര്യങ്ങളാണ് തന്റെ ശാസ്ത്രഗവേഷണത്തിന് അദ്ദേഹം കാര്യമായി ഉപയോഗിച്ചത്. തന്റേതായ സംഭാവനകൾ അവർക്ക് തിരിച്ചും നൽകണമെന്ന കാര്യത്തിൽ അദ്ദേഹത്തിന് നിർബന്ധമുണ്ടായിരുന്നു. പ്രാദേശികസമൂഹങ്ങൾക്കൊപ്പം പ്രവർത്തിച്ചും അവരുടെ വിഭവസംരക്ഷണത്തിനായി സുസ്ഥിരമാതൃകകൾ രൂപപ്പെടുത്തിയും അവരുടെ പ്രശ്നങ്ങളെപ്പറ്റി പത്രങ്ങളിൽ നിരന്തരം എഴുതിയും അദ്ദേഹം കടം വീട്ടി. ഗാഡ്ഗിൽ റിപ്പോർട്ട് നടപ്പാക്കിയിരുന്നെങ്കിൽ, സമീപവർഷങ്ങളിൽ കേരളം, കർണാടക, ഗോവ തുടങ്ങിയ സംസ്ഥാനങ്ങളെ തകർത്തെറിഞ്ഞ വെള്ളപ്പൊക്കം ലഘൂകരിക്കപ്പെടുകയോ തടയുകയോ ചെയ്യുമായിരുന്നു. പൂർണമായും ശാസ്ത്രത്തിനുവേണ്ടി സമർപ്പിക്കപ്പെട്ട ആ ജീവിതം ആത്മകഥാരൂപത്തിൽ നമുക്കു മുമ്പിലെത്തുമ്പോൾ നമ്മുടെ റിപ്പബ്ലിക്കിന്റെ ഭാവിയെപ്പറ്റി ആശങ്കയുള്ള ഓരോ ഇന്ത്യക്കാരനും ഈ പുസ്തകം വായിച്ചിരിക്കേണ്ടതുണ്ട്." - രാമചന്ദ്ര ഗുഹ