Mudrakhya

നാടകവും നാടകവേദിയുമാണ് ഈ ഗ്രന്ഥത്തിന്റെ പ്രമേയം. ദുർന്നിവാരമായ ദുഃഖത്തിന്റെയും ധർമ്മസങ്കടങ്ങളുടെയും മുൾമുനയിൽ കരളമർത്തി പിടയാൻ വിധിക്കപ്പെടുകയും ആ വിധി ഏറ്റുവാങ്ങിക്കൊണ്ട് ആത്മവത്തയുടെ അധൃഷ്യഗാംഭീര്യം ആരചിക്കുകയും ചെയ്യുന്ന മനുഷ്യന്റെ ചിത്രമാണ് നാടകം വരയ്ക്കുന്നത്. അരങ്ങിന്റെ ചിഹ്നവ്യൂഹത്തിൽ ഈ ഉദാത്തഗാംഭീര്യത്തെ പുനരാവിഷ്കരിച്ചു കൊണ്ട് നാടകവേദി നാടകത്തിന് രണ്ടാം ജന്മം സമ്മാനിക്കുന്നു. നാടകത്തെ സാഹിത്യരൂപമായും അരങ്ങിന്റെ കലയായും സമീപിക്കുന്ന പ്രബന്ധങ്ങളുടെയും നിരീക്ഷണങ്ങളുടെയും സമാഹാരമാണ് ഈ കൃതി. എം. തോമസ് മാത്യുവിന്റെ വിമർശനഗ്രന്ഥപരമ്പരയിലെ ആദ്യകൃതി.

യശഃശരീരനായ തുള്ളൽകുലപതി ഏവൂർ ദാമോദരൻ നായരുടെ സീമന്തപുത്രൻ ഏവൂർ രാധാകൃഷ്ണൻ മഹാകവി കുഞ്ചൻ നമ്പ്യാർ, തുള്ളൽ കല, തുള്ളൽ അവതരണം എന്നീ വിഷയങ്ങളെക്കുറിച്ച് ദീർഘകാലം പഠിച്ചെഴുതിയ ശാസ്ത്രീയ പഠനഗ്രന്ഥമാണ് കുഞ്ചനും തുള്ളലും അവതരണവും.