Narumozhikal

പ്രപഞ്ചവിജ്ഞാനത്തിന്റെ അത്ഭുതലോകത്തേക്കുള്ള ഹൃദ്യമായ ക്ഷണമാണ് പരമാണുപുരാണം. കുട്ടികളിൽ ശാസ്ത്രത്തിന്റെ രസകരവും കൗതുകകരവുമായ അനുഭവങ്ങൾ പങ്കിടുന്ന ശ്രദ്ധേയമായ വിജ്ഞാനനോവൽ.

ലഹരിമരുന്നിന്റെ ദൂഷ്യഫലങ്ങൾ ഉയർത്തിക്കാണിക്കുന്ന ബാലനോവൽ. കേരളത്തിന്റെ തെരുവീഥികളിലെ മാരകലഹരി സ്കൂൾ മുറ്റത്തേക്കും ഒഴുകിക്കൊണ്ടിരിക്കുന്നുവെന്ന മുന്നറിയിപ്പാണ് ഈ കൃതി ഉയർത്തുന്നത്. വിദ്യാലയങ്ങളിലെ വരുംതലമുറയെ രക്ഷിക്കേണ്ടത് കാലത്തിന്റെ ആവശ്യമാണെന്നുള്ള ഗുണപാഠം ഉയർത്തിപ്പിടിക്കുന്ന ഇതിവൃത്തം. മയക്കുമരുന്ന് എന്ന മഹാവിപത്ത് ഒരു അദ്ധ്യാപകന്റെ മനോവ്യാപാരങ്ങളിലൂടെ മനോഹരവും ലളിതവും ഹൃദയസ്പർശിയുമായി ഈ പുസ്തകത്തിൽ ചിത്രീകരിച്ചിരിക്കുന്നു. ഏവരുമൊന്നിച്ചാൽ ലഹരിയെന്ന മഹാവിപത്തിനെ ക്രിയാത്മകമായി ചെറുത്ത് ഇല്ലാതാക്കാമെന്നും, ലഹരിവിമുക്ത സമൂഹത്തെ വിണ്ടെടുക്കാമെന്നുമുള്ള സന്ദേശമാണ് ഈ കൃതി തരുന്നത്.

ഡോ കെ ശ്രീകുമാർ പ്രീ-പ്രൈമറി / പ്രൈമറി കുട്ടികൾക്കായി എഴുതിയ 12 പുസ്തകങ്ങളുടെ സഞ്ചയം. നമ്മുടെ സ്വരമായ്, കുറുക്കന്റെ കല്യാണം, ചക്കരമാവ്, ആദു പഠിച്ച പാഠങ്ങൾ, കറുപ്പിനഴക്, മാനം നോക്കിപ്പോകുന്നു, പാതിരാസൂര്യൻ, വേണം; വേണ്ട, പേരിലെന്ത് ? കാക്കത്തമ്പുരാട്ടി, യാത്രക്കുട്ടി, സ്‌നേഹവീട് എന്നിവ. പൂർണ സചിത്ര ബാലസാഹിത്യമാലയിൽ ഉൾപ്പെട്ട ഈ സഞ്ചയം കൊച്ചുകുട്ടികൾക്ക് കൊടുക്കാവുന്ന നല്ല സമ്മാനമാണ്.