Nava Marxist Vimarsanam Malayalathil

ആര്‍ എസ് എസിന്റെ നൂറാം വാര്‍ഷികത്തിന്റെ പശ്ചാത്തലത്തിൽ യു ട്യൂബ് ചാനലായ ദി ക്രിട്ടിക്കില്‍ സംപ്രേഷണം ചെയ്ത 16 പ്രഭാഷണങ്ങള്‍ സമാഹരിച്ച് പ്രസിദ്ധീകരിച്ച 'ആര്‍ എസ് എസ് - ഹിന്ദുത്വരാഷ്ട്രീയത്തിന്റെ 100 വര്‍ഷം' എന്ന പുസ്തകം. കെ വേണു, കെ സച്ചിദാനന്ദന്‍, കല്‍പ്പറ്റ നാരായണന്‍, കെ മുരളി, ഡോ കെ അരവിന്ദാക്ഷന്‍, സണ്ണി എം കപിക്കാട്, കെ ഇ എന്‍ കുഞ്ഞഹമ്മദ്, ഡോ സുനില്‍ പി ഇളയിടം, ഡോ മാളവിക ബിന്നി, ജെ രഘു, പി എന്‍ ഗോപീകൃഷ്ണന്‍, ഡോ ടി എസ് ശ്യാംകുമാര്‍, സജീവന്‍ അന്തിക്കാട്, ടി മുഹമ്മദ് വേളം, ഡോ സോയ ജോസഫ്, ഡോ ടി ടി ശ്രീകുമാര്‍ തുടങ്ങിയവരാണ് പ്രഭാഷകര്‍ - എഡിറ്റര്‍ ഐ ഗോപിനാഥ്.

"ഈ പുസ്തകം വായിച്ചുതീരുമ്പോള്‍ നമുക്കൊരു തിരിച്ചറിവു കിട്ടുന്നു. ആധുനിക ഹിന്ദുമതത്തിന്‍റെ വ്യാജനിര്‍മ്മിതിയില്‍നിന്നും, അല്ലെങ്കില്‍ ഹിന്ദുവില്‍നിന്നും ഭാരതീയനിലേക്ക് തിരിച്ചുനടക്കേണ്ട ദൂരം ഒത്തിരി അകലെയല്ല എന്നതാണ് ആ തിരിച്ചറിവ്. അതിലേക്കുള്ള പ്രയത്നം രാജ്യത്തിന്‍റെ നന്മയ്ക്കും ലോകത്തിന്‍റെ നന്മയ്ക്കും അനിവാര്യമായ ഒന്നാണ്. അതിനായുള്ള ഏതു പ്രയത്നവും അഭിനന്ദനമര്‍ഹിക്കുന്നതാണ്. ഈ ആസുരകാലത്ത് ഇത്തരം നന്മയുടെ അക്ഷരവെളിച്ചങ്ങളിലാണ് നമ്മുടെ പ്രതീക്ഷ. ഇത്തരം കൈവിളക്കുകളേന്തി നമുക്ക് മുന്നേറാന്‍ സാധിച്ചാല്‍ രാജ്യം ധര്‍മ്മരാജ്യവും ഗേഹം ധന്യഗേഹവുമാകും." - വേദാന്താചാര്യ സ്വാമി സംവിധാനന്ദ്, ഹരിദ്വാർ മതത്തിന്റെയും ഭാഷയുടെയും വേലിക്കെട്ടുകൾക്കുള്ളിലേക്ക് ഒരു ജനതയെ ഒട്ടാകെ തള്ളിക്കയറ്റാനും ചില വിഭാഗങ്ങളെ അധമരാക്കി മുദ്ര കുത്തി പുറത്താക്കാനുമുള്ള നൃശംസമായ ശ്രമങ്ങൾ അരങ്ങേറുന്ന ഇക്കാലത്ത് ഭാരതത്തിനെയും അതിന്റെ പൈതൃകത്തിനെയും സാഹോദര്യത്തിനെയും സ്നേഹിക്കുന്ന ഓരോരുത്തരും വായിക്കേണ്ട കൃതി.

"ഗാന്ധിയുടെ ജീവിതസത്യചിന്തകൾ ദേശകാലങ്ങളുടെ ഭൂമിയുടെ ജൈവസാക്ഷ്യങ്ങളാണ്. ഇരുട്ടിലേക്കു വീണുകൊണ്ടിരിക്കുന്ന ജീവരാശിക്ക് അതിജീവനത്തിന്റെ പാതയാണ് ഗാന്ധിദർശനം. ഗാന്ധിയുടെ ഡയറിക്കുറിപ്പുകളിലെ ചില ചിന്തകളെ സമകാലികപശ്ചാത്തലത്തിൽ സൂക്ഷ്മമായി സമീപിക്കുന്ന ചില കുറിപ്പുകളാണ് ഈ പുസ്തകം. ഗാന്ധി, ഗാന്ധി എന്നു വീണ്ടും ലോകത്തെ ഓർമിപ്പിക്കുവാനുള്ള നൂതനവും വ്യത്യസ്തവുമായ പരിശ്രമം. ഗാന്ധിയിലേക്ക് ഒരു സൂക്ഷ്മസഞ്ചാരം." - കെ ബി പ്രസന്നകുമാർ