Navaniroopanam Sidhanthavum Prayogavum

''മലയാളത്തിലെ ഹാസ്യാനുകരണകവിതയുടെ ചരിത്രവും സ്വരൂപവും വിമർശനാത്മകമായി വിശകലനം ചെയ്യുന്ന ആദ്യത്തെ സമഗ്രപഠനമെന്ന നിലയിൽ നമ്മുടെ സാഹിത്യചരിത്രത്തിൽത്തന്നെ ശ്രദ്ധേയമായ സ്ഥാനം ഈ പുസ്തകത്തിനുണ്ട്. സൂക്ഷ്മവും വിശദവുമായ വസ്തുതാപഗ്രഥനവും തികഞ്ഞ ഉൾക്കാഴ്ചയോടെയുള്ള അവതരണവും ശ്രദ്ധേയമാണ്, അഭിനന്ദനീയമാണ്"- ഡോ. ചാത്തനാത്ത് അച്യുതനുണ്ണി.

മഹാകവി അക്കിത്തത്തിന്റെ തിരഞ്ഞെടുത്ത ഇരുപത്തിരണ്ട് കവിതകളുടെ ആസ്വാദനപഠനങ്ങളാണ് ഈ പുസ്തകത്തിൽ ഉൾപ്പെടുത്തിയിട്ടുള്ളത്.

അഞ്ചു ഭാഗങ്ങളിൽ 26 പുതുവായനകൾ ഉൾക്കൊള്ളുന്ന പ്രബന്ധസമാഹാരം. കാർട്ടൂണിസ്റ്റ് അരവിന്ദൻ വരകളിലൂടെയും ചന്തുമേനോൻ, ബഷീർ, എം ടി, രാജലക്ഷ്മി, സക്കറിയ, എൻ എസ് മാധവൻ എന്നിവർ വാക്കുകളിലൂടെയും നിർവഹിച്ച ജീവിതാഖ്യാനം ഒന്നാം ഭാഗത്തിൽ. ആശാൻ, ഇടശ്ശേരി, വൈലോപ്പിള്ളി, അയ്യപ്പപ്പണിക്കർ, ആറ്റൂർ, കെ ജി ശങ്കരപ്പിള്ള, എന്നിവരുടെ കാവ്യലോകം രണ്ടാം ഭാഗത്തിൽ, ആധുനികതയും ഉത്തരാധുനികതയും അവതരിപ്പിച്ച സാഹിത്യസിദ്ധാന്തങ്ങൾ മൂന്നാം ഭാഗത്തിൽ. സഞ്ജയന്റെ സാംസ്കാരിക വിമർശനം, മാരാരുടെയും ശങ്കുണ്ണിനായരുടെയും സാഹിത്യനിരൂപണം എന്നിവ നാലാം ഭാഗത്തിൽ, കാളിദാസകവിതയും സംസ്കൃതത്തിലെ സാഹിത്യമീമാംസയും ജീവിതദർശനവും അഞ്ചാം ഭാഗത്തിൽ.

ഡോ. കുഞ്ചുണ്ണി രാജാ ലണ്ടൻ യൂണിവേഴ്സിറ്റിയിൽ 1952-54കാലത്ത് നിർവഹിച്ച ഗവേഷണത്തിന്റെ ഫലമാണ് Indian Theories of Meaning എന്ന പ്രകൃഷ്ടമായ പ്രബന്ധം. അർത്ഥം എന്ന പ്രശ്നത്തെ സംബന്ധിച്ച പ്രാചീന ഭാരതീയസിദ്ധാന്തങ്ങൾ പ്രമാണസഹിതം വിശദീകരിച്ചും, സമാന്തരമായ പാശ്ചാത്യസങ്കല്പനങ്ങൾ പരാമർശിച്ചും വിമർശലോചനം തുറന്ന് സ്വന്തം കാഴ്ചപ്പാടുകൾ അവതരിപ്പിച്ചും നിർവഹിച്ച ഈ പഠനം ഭാഷയുടെയും സാഹിത്യത്തിന്റെയും ഉള്ളറകളിലേക്കു പ്രസരിപ്പിക്കുന്ന വെളിച്ചം അത്യന്തം പ്രചോദകമാണ്. പ്രസന്നഗംഭീരമായ ഈ നിബന്ധത്തിന് ഡോ. രവീന്ദ്രൻ തയാറാക്കിയ മലയാളരൂപം വിവർത്തനത്തിന്റെ സർഗാത്മകതയ്ക്ക് ഉത്തമനിദർശനമാകുന്നു.