Nizhalaattam

സ്വന്തമായി ഒരു വീട് വേണം എന്നുള്ളത് ഏതൊരു ശരാശരി മലയാളിയുടെയും സ്വപ്നമാണല്ലോ. അങ്ങനെയൊരു സ്വപ്നം സാക്ഷാത്കരിക്കാൻ കിണഞ്ഞു പരിശ്രമിച്ച ജോൺ മാത്യു എന്ന സ്‌കൂൾ അദ്ധ്യാപകൻ അവസാനം തന്റെ സ്വപ്നഭവനം കണ്ടെത്തുന്നു. എന്നാൽ, അവിടെ നടന്ന ചില സംഭവവികാസങ്ങൾ അയാളെ ഭയപ്പാടിന്റെയും നൈരാശ്യത്തിന്റെയും പടുകുഴിയിൽ എത്തിക്കുന്നു. അതിന്റെ ചുരുളഴിക്കാനും, പ്രശ്നപരിഹാരം ചെയ്യാനും വേണ്ടിയുള്ള നെട്ടോട്ടത്തിൽ അയാൾ കണ്ടുമുട്ടുന്ന ആളുകളും അയാളെടുക്കുന്ന തീരുമാനങ്ങളും, അതേത്തുടർന്ന് അയാളുടെ ജീവിതത്തിൽ ഉണ്ടാവുന്ന സംഭവങ്ങളുമാണ് നിഴലാട്ടം. ഒരു സാധാരണക്കാരന്റെ ജീവിതപ്രശ്നങ്ങളും ശാസ്ത്രവും തത്ത്വചിന്തകളും സമന്യയിപ്പിച്ചിട്ടുള്ള ഈ കൃതി വായനക്കാർക്ക് വേറിട്ടൊരു അനുഭൂതി സമ്മാനിക്കും.