Njan Aakunnu Vathil – Old Edition

മനുഷ്യഭാവിയേക്കുറിച്ചുള്ള ആശങ്കകളും സ്വപ്നങ്ങളും മാത്രം മുൻ‍നിർത്തിയാണ് സമകാലികലോകത്തിലെ ചില സംഭവവികാസങ്ങളും ആശയധാരകളും ഇവിടെ വിമർശനവിചിന്തനങ്ങൾക്കു വിഷയമാകുന്നത്. മനുഷ്യനും പ്രകൃതിയും ചേർന്നുള്ള സമ്യക്കായ ഒരു ഭാവിയുടെ ചിത്രം തുടർച്ചയായി വിരചിക്കാൻ നമ്മെ സഹായിക്കാത്ത ഒരു മതവും ഒരു രാഷ്ട്രവ്യവസ്ഥയും ഒരു സാമ്പത്തിക-സാമൂഹികക്രമവും മനുഷ്യർക്ക് സ്വീകാര്യമാവരുത്. കരുണാർദ്രവും നീതിപൂർവകവുമായ 'പുതിയ ആകാശവും പുതിയ ഭൂമി'യുമാണ് നമ്മുടെ ദർശനസാരം.

"ഉപനിഷത്തുകൾ വ്യക്തിരൂപമാർന്ന ഒരു ദൈവത്തിൽ വിശ്വസിക്കുന്നില്ല. ദൈവവുമായുള്ള ഏതെങ്കിലും വ്യക്തിപരമായ ബന്ധത്തിലും അവ വിശ്വസിക്കുന്നില്ല. വ്യക്തിപരമായ ബന്ധം അസാധ്യമാണെന്ന് അവ പറയുന്നു. എന്തുകൊണ്ടാണത്? എന്തുകൊണ്ടെന്നാൽ വ്യക്തിത്വം തന്നെ ഭ്രമാത്മകമാണെന്നാണ് ഉപനിഷത്തുകൾ പറയുന്നത്. വ്യക്തിത്വങ്ങൾ അയഥാർത്ഥങ്ങളാണെന്ന് ഉപനിഷത്തുകൾ പറയുന്നു; വ്യക്തികളെന്ന നിലയിൽ നിങ്ങൾ പുറമെ കാണപ്പെടുന്നുവെന്നു മാത്രം. എന്നാൽ നിങ്ങൾ അങ്ങനെയല്ല.. ആന്തരികസത്ത വ്യക്തിത്വരഹിതമാണ്, അതിന് പരിധികളില്ല, അതിരുകളില്ല. എങ്ങും ആരംഭിക്കുന്നില്ല. എങ്ങും അവസാനിക്കുന്നില്ല. അത് അനന്തതയിലേക്ക് നീണ്ട് പോകുന്നു. അത് അനന്തവും നിത്യവുമാകുന്നു." - ഓഷോ