Pachakakkurippukal

പ്ലാവും ചക്കയും മലയാളിയുടെ വീട്ടുചിഹ്നമാണ്. പ്ലാവും തെങ്ങും മാവുമില്ലാത്ത വീട് കേരളീയന് സങ്കല്പിക്കാൻ പോലും കഴിയാത്ത ഒരു കാലമുണ്ടായിരുന്നു. അക്കാലത്ത് നമ്മുടെ വിശപ്പു മാറ്റിയതും ആരോഗ്യം നിലനിർത്തിയതും ഈ ഫലവൃക്ഷങ്ങളാണ്. ചക്കയുടെ മൂല്യത്തെക്കുറിച്ചും ചക്ക കൊണ്ടുള്ള വിവിധയിനം പാചകങ്ങളെക്കുറിച്ചുമുള്ള പുസ്തകമാണ് സാവിത്രി അന്തർജനം രചിച്ച ചക്ക പാചകം. ഈ പുസ്തകം പുതുതലമുറയ്ക്ക് നല്ല ആരോഗ്യശീലം നൽകുമെന്നുറപ്പ്.

പാചകം ചെയ്യുന്നവരും ചെയ്യാത്തവരും ഒരുപോലെ ആസ്വദിച്ച കൈപ്പുസ്തകത്തിന്റെ പരിഷ്കരിച്ച പതിപ്പ്. എല്ലാ അടുക്കളകളിലും ഉണ്ടായിരിക്കേണ്ട പുസ്തകം. മീൻ വിഭവങ്ങൾ, ഇറച്ചിവിഭവങ്ങൾ, മുട്ടവിഭവങ്ങൾ, പച്ചക്കറികൾ, പ്രാതൽ, നാലുമണി പലഹാരങ്ങൾ, മധുരങ്ങൾ, വിശുദ്ധവാര വിഭവങ്ങൾ, പാനീയങ്ങൾ എന്നിങ്ങനെ ഒൻപതു വിഭാഗങ്ങളിലായി 135 പാചകക്കുറിപ്പുകളും 60 പൊടിക്കൈകളും. 'മല്ലിപ്പൊടി ഒരു സ്പൂൺ, മഞ്ഞൾപ്പൊടി അര ടീസ്പൂൺ, വെളുത്തുള്ളി ഒരു കുടം' എന്നൊക്കെ ഈ പുസ്തകത്തിന്റെ പുറങ്ങളിൽ കാണാനാവുമെങ്കിലും ഇതൊരു സാധാരണ പാചക പാഠപ്പുസ്തകമല്ല; മറിച്ച് രുചിയുടെ ഓർമപ്പുസ്തകമാണിത്. രുചികരമായ ഓർമകളോടെ പാചകം ചെയ്യാനും വിളമ്പാനും കഴിക്കാനും കഴിപ്പിക്കാനും സഹായിക്കുന്ന പുസ്തകം.