സ്നേഹത്തെ കണ്ടെത്തുവാൻ, തിരിച്ചറിയാൻ ഉള്ള ത്വരയാണ് വാസ്തവത്തിൽ എഴുത്തുകാർക്കുള്ളത്. ജീവിതപ്രണയത്തിന്റെ താമരപ്പൂക്കളും നീലനീഹാരങ്ങളും  സാഹിത്യത്തിലൂടെ ഉർദുഗസലുകളിലൂടെ എനിക്ക് അനുഭവിക്കാൻ കഴിഞ്ഞു. ഉള്ളൊഴിഞ്ഞ കക്കകളെപ്പോലെ ശൂന്യമായി ജീവിക്കുന്നതിനു പകരം ആന്തരിക രത്നങ്ങൾ ശേഖരിച്ചുകൊണ്ടൊരു ജീവിതം.  വായനയിലൂടെ, എഴുത്തിലൂടെ, ഗസലുകളുടെ ആസ്വാദനത്തിലൂടെ വിശദീകരിക്കാൻ കഴിയാത്ത ഈ അനുഭൂതി വിശേഷങ്ങളെ ചിലപ്പ്പോഴൊക്കെ എഴുതി ഫലിപ്പിക്കാൻ ഞാൻ ശ്രമിച്ചിട്ടുണ്ട്.