Prasastha Sangeethajnar

വെങ്കിടകൃഷ്ണ ഭാഗവതരുടെ ഛായാചിത്രത്തിനു ചുവട്ടിൽ നീലകണ്ഠൻ നമ്പീശന്റെ കാൽക്കൽ ദക്ഷിണ വച്ച് ഒരു മുസ്ലിം ബാലൻ കഥകളി സംഗീതം പഠിക്കാൻ ആരംഭിക്കുന്നു. വാത്സല്യം വാരിക്കോരി കൊടുക്കുമെങ്കിലും പഠിപ്പിൽ വിട്ടുവീഴ്ചയോ അശ്രദ്ധയോ കാട്ടിയാൽ നിർദയം ശിക്ഷിക്കുന്ന ഗുരു. ആ ഗുരുവിന്റെ പ്രതീക്ഷക്കൊത്ത് ശിഷ്യൻ വളരുന്നു. അരങ്ങേറ്റത്തിൽ ഹൈദരാലി പൊന്നാനിയും പിൽക്കാലത്തു വിഖ്യാതനായ ശങ്കരൻ എമ്പ്രാന്തിരി ശിങ്കിടിയുമാവണമെന്ന് നമ്പീശൻ നിശ്ചയിച്ചപ്പോൾ അദ്ദേഹം ഈ ശിക്ഷ്യനിലൂടെ നിശ്ശബ്ദമായി വിശ്വാസം പ്രകടിപ്പിക്കുകയായിരുന്നു. പ്രശസ്ത കഥകളി സംഗീതജ്ഞനായിരുന്ന കലാമണ്ഡലം ഹൈദരാലിയുടെ ആത്മകഥ.