Shalomy

മലയാളത്തിലെ ആദ്യകാല റിയലിസ്റ്റിക് നാടകമാണ് പോളച്ചിറയ്ക്കൽ കൊച്ചീപ്പൻ തരകൻ രചിച്ച  മറിയാമ്മ (1903). നാടകം പ്രസിദ്ധീകരിച്ചത് 1903 ലായിരുന്നെങ്കിലും എഴുതിതീർത്തത് അതിനും 25 വർഷങ്ങൾക്ക് മുൻപായിരുന്നുവെന്ന് നാടകകൃത്ത് ആമുഖത്തിൽ രേഖപ്പെടുത്തിയിരിക്കുന്നു. ക്രിസ്തീയമതസ്ഥരുടെ സാമൂഹ്യ പരിഷ്കരണം ലക്ഷ്യമാക്കിയാണ് ഈ നാടകം കൊച്ചീപ്പൻ തരകൻ എഴുതിയത്. മദ്ധ്യതിരുവിതാംകൂറിലെ ക്രൈസ്തവ കുടുംബങ്ങളിൽ നിലനിന്നിരുന്ന അജ്ഞതയേയും കുടുംബബന്ധങ്ങളെ ശിഥിലീകരിക്കുന്ന ചില പാരമ്പര്യങ്ങളേയും ഹാസ്യാത്മകമായി ചിത്രീകരിക്കുന്ന പദ്യ നാടകമായാണ് മറിയാമ്മ രചിക്കപ്പെട്ടത്. മക്കത്തായ കുടുംബംങ്ങളിൽ നിലനിന്നിരുന്ന അമ്മായിയമ്മപ്പോരും നാത്തൂൻപോരും കാരണമുണ്ടാകുന്ന ക്രൂരകൃത്യങ്ങൾ തുറന്നു കാട്ടി ക്രൈസ്തവരെ ബോധവൽക്കരിച്ച് കുടുംബങ്ങളിൽ സമാധാനാന്തരീക്ഷം സൃഷ്ടിക്കുക എന്ന ലക്ഷ്യം നാടകത്തിനുണ്ടായിരുന്നു. അതോടൊപ്പം പത്തൊമ്പതാംനൂറ്റാണ്ടിന്റെ അവസാനകാലത്തുണ്ടായിരുന്ന പ്രാകൃത ചികിത്സാരീതികളിലേക്കും നാടകം വെളിച്ചം വീശുന്നു.

വര്‍ത്തമാനകാലത്ത്‌ രാജ്യം നേരിടുന്ന പ്രശ്നങ്ങളെ വിഷയമാക്കുന്ന 'ആര്യാവര്‍ത്തം', നാടകപ്രേമികളുടെ ശ്രദ്ധയാകര്‍ഷിച്ച 'നാലാംയാമം', കൂട്ടികള്‍ക്ക്‌ അവതരിപ്പിക്കാൻ സാധിക്കുംവിധം ലളിതമായി തയാറാക്കിയ 'ഈജിപ്റ്റിലേക്ക്‌ വളരെ ദൂരമുണ്ട്‌ ', നോബല്‍ജേതാവും വിശ്വസാഹിത്യകാരനുമായ ഗബ്രിയേല്‍ ഗാര്‍സിയ മാര്‍ക്വേസിന്റെ പ്രശസ്ത നോവലായ ഏകാന്തതയുടെ നൂറ്‌ വര്‍ഷങ്ങള്‍ ആസ്പദമാക്കി രചിച്ച 'കാനല്‍ ജലം' തുടങ്ങി പതിനൊന്ന്‌ ഏകാങ്കനാടകങ്ങളുടെ സമാഹാരം.

"എത്ര തരം മനുഷ്യരെയാണ് ഞാന്‍ കാണുന്നത്... മനുഷ്യരല്ല... നടന്മാര്‍... കഥാപാത്രങ്ങള്‍... അങ്ങനെ പറയുന്നതാവും നല്ലത്... സ്‌നേഹം തരുന്നവര്‍... സ്‌നേഹം തരുന്നതായി നടിക്കുന്നവര്‍... എത്ര വ്യത്യസ്തമാണ് ഈ ലോകം. അതേ... ഈ ലോകം ഒരു അരങ്ങാണ്. അപ്പോ ഞാനോ... ഞാന്‍ മാത്രമല്ല, എനിക്ക് ചുറ്റിനുമുള്ളവരെല്ലാം കഥാപാത്രങ്ങള്‍... വെറും കഥാപാത്രങ്ങള്‍." വില്യം ഷെയ്ക്‌സ്പിയറുടെ ജീവിതത്തെ ആസ്പദമാക്കി രചിച്ച നാടകം.