Snehadarangalode

1994 മുതൽ 2015 വരെ ഞാനെഴുതിയ 28 ലേഖനങ്ങളുടെ സമാഹാരമാണ് സ്വത്വം സംസ്കാരം സങ്കല്പനം: വിമർശനപാഠങ്ങൾ. നാം മുമ്പ് ജീവിച്ചു പോന്നവയും ഇന്നു ജീവിക്കുന്നതുമായ വ്യത്യസ്തകാലങ്ങളെയും അവസ്ഥകളെയും സൂക്ഷ്മമായി അറിയുന്നതിനും വിമർശനപരമായി വിലയിരുത്തുന്നതിനുമുള്ള ശ്രമങ്ങളാണ് ഈ രചനകൾ. ആ അർത്ഥത്തിൽ വിമർശനപാഠങ്ങൾ സാഹിത്യപാഠങ്ങളും സംസ്കാരപാഠങ്ങളും രാഷ്ട്രീയപാഠങ്ങളും ജീവിതപാഠങ്ങൾ തന്നെയുമായി പലപ്പോഴും പരിണമിക്കുന്നത് സ്വാഭാവികമാണ് : എം പി ബാലറാം.  

തകഴി ശിവശങ്കരപ്പിള്ളയെ സമഗ്രമായി വിലയിരുത്തുന്ന പുസ്തകം.

സംസ്കൃതഭാഷയിൽ എഴുതപ്പെട്ട മഹാകാവ്യങ്ങളിൽ പ്രധാനപ്പെട്ടതാണ് ശ്രീകൃഷ്ണവിലാസം. സൗകുമാര്യം, സമത, പ്രസാദം, മാധുര്യം, അർത്ഥവ്യക്തി മുതലായ ഗുണങ്ങൾ ഇത്രമാത്രം തികഞ്ഞിട്ടുള്ള കാവ്യങ്ങൾ വേറെ ഉണ്ടെന്നു താന്നുന്നില്ല എന്നും അത്യന്തം മഹനീയമായ സ്ഥാനമാണ് ഈ ഗ്രന്ഥത്തിനെന്നും 'കേരള സാഹിത്യ ചരിത്ര'ത്തിൽ ഉള്ളൂർ പരാമർശിക്കുന്നു. സുകുമാരൻ എന്ന കവിയാണ് പൂർണമല്ലാത്ത ഈ കാവ്യം രചിച്ചതായി കരുതപ്പെടുന്നത്. ഭക്തികാവ്യങ്ങളുടെ ഗണത്തിൽപ്പെടുന്ന ഈ കൃതിയുടെ മൂന്നാം സർഗമായ ബാലക്രീഡയിലെ പദ്യങ്ങളുടെ തർജമ, ശ്രീരാമപാണിവാദരുടെ വിലാസിനി എന്ന സംസ്കൃത വ്യാഖ്യാനസഹിതമാണ് വി എം ഡി നമ്പൂതിരി നിർവഹിച്ചിരിക്കുന്നത്. 103 ശ്ലോകങ്ങളാണ് മൂന്നാം സർഗത്തിലുള്ളത്. വിലാസിനി വ്യാഖ്യാനം പൂർണമായി എഴുതിയതിനു ശേഷം ഓരോ പദവും എടുത്ത് അതിന്റെ അർത്ഥരചന നിർവഹിക്കുന്നു. കഥാപാത്രങ്ങളെ മനസ്സിലാക്കാൻ പുരാണകഥകൾ ഉദാഹരണമായി പറയുന്നുണ്ട്.