പാമ്പിന് പൊത്തും കിളിക്ക് കൂടുമുള്ള ഭൂമിയിൽ, എയർ ബെഡ് ആൻഡ് ബ്രേക്ഫസ്റ്റ് മാത്രം തന്റെ അവകാശമായി പിടുത്തം കിട്ടിയ ഒരുവളുടെ നിർമമതയുടെ വേദമാണിത്. കഠിനമാണ് ജീവിതം. ഒരു സറിയലസ്റ്റിക്ക് ചിത്രം പോലെ സങ്കീർണം. ഓരോ നിമിഷവും കപ്പം കൊടുത്ത്, ഇതുപോലെ. എന്നിട്ടും ആകെ മൊത്തം നല്ലതാണെന്ന് തോന്നുന്നു. ഭ്രമിപ്പിക്കുന്ന അപകടം പിടിച്ച അഴക്. സീന ഇരുട്ട് പിഴിയുമ്പോൾ വെളിച്ചമുണ്ടാകുന്നു – ബോബി ജോസ് കട്ടികാട് എഴുതുന്നു.
മനുഷ്യപ്രകൃതത്തെ സവിശേഷമായി അടയാളപ്പെടുത്തുന്ന പ്രദീപിന്റെ പത്തു കഥകളുടെ സമാഹാരമാണ് ‘മറിയമേ ഞാൻ നിന്നോട് കുമ്പസാരിക്കുന്നു’ എന്ന പുസ്തകം. ഭാഷയിലൂടെ ദൃശ്യാവിഷ്ക്കരണം നടത്തുന്ന കഥകളാണിവ. അസാധാരണമായ യുക്തിയോടെയാണ് ഓരോ കഥയിലെയും പ്രമേയത്തെ കഥാകൃത്ത് സമീപിച്ചിരിക്കുന്നത്. – എൻ ഇ സുധീർ എഴുതുന്നു.
“മലയാളത്തിലെ എന്റെ ഏറ്റവും പ്രിയപ്പെട്ട അഞ്ചു പുസ്തകങ്ങളെടുത്താൽ അതിലൊന്ന് കെ കെ നീലകണ്ഠൻ എന്ന ‘ഇന്ദുചൂഡ’ന്റെ ‘കേരളത്തിലെ പക്ഷികൾ’ ആയിരിക്കും. അസൂയാവഹമായ ഒരു നൈർമല്യമാണ് ഇന്ദുചൂഡന്റെ മലയാളിത്തം പൂത്തുലഞ്ഞുനിൽക്കുന്ന, സാഹിത്യത്തിന്റെ യാതൊരു ഔപചാരിക ചമയങ്ങളുമില്ലാത്ത ഗദ്യത്തിൽ നിറഞ്ഞുനിൽക്കുന്നത്.” സക്കറിയ എഴുതുന്നു.
ആത്മഹത്യക്കും കൊലയ്ക്കുമിടയില് യാത്ര ചെയ്ത കാല്പനിക വിപ്ലവകാരികള്ക്ക് സംഭവിച്ച പരിണാമം ദുരന്തഹാസ്യമായി അവശേഷിക്കുമ്പോഴും ആ നീതിബോധത്തെ എടുത്തണിയുന്നുണ്ട് ഏറെപ്പേരും. അനീതി കാണുമ്പോള് നമ്മില് ഒരു നക്സല് പിടഞ്ഞുണരുന്നുണ്ട്. ഈയൊരു തിരിച്ചറിവിലേക്ക് നയിക്കുന്ന നോവലാണ് ‘ബംഗ’.
മണ്ണു കുഴച്ച് മനുഷ്യരൂപം മെനഞ്ഞ് അതിലേക്ക് ജീവനെ ഊതുന്ന ദൈവത്തിന്റെ വിരുത് ഈ പുസ്തകത്തിൽ കാണാം. തുമ്പോളിയിലെ ചൊരിമണലൽ നിന്ന് പുതിയ മനുഷ്യർ ചിരിച്ചും കരഞ്ഞും ഉയിർക്കൊള്ളുന്നു. മാന്ത്രികത മുറ്റിയ മനുഷ്യരുടെ ചുവടുകൾ ആ മണൽപ്പുറങ്ങളിൽ മറഞ്ഞും തെളിഞ്ഞും കിടക്കുന്നു.
27 കൊല്ലത്തെ ദാമ്പത്യത്തിനിടയിൽ ഒരിക്കൽപ്പോലും അവൾ വിശ്വാസവഞ്ചന നടത്തിയിട്ടില്ല. എന്നാൽ, ആ തവണ ദ്വീപിലെ രാത്രിയിലെ ഡിന്നറിനു ശേഷം അവൾ അപരിചിതനായ ഒരു പുരുഷനെ ആകർഷിച്ച് മുറിയിലേക്കെത്തിക്കുന്നു, രതിക്രീഡയിലേർപ്പെടുന്നു – മാർക്കേസിന്റെ അവസാന നോവലിനെക്കുറിച്ച് എൻ ഇ സുധീർ
