‘മല്ലിപ്പൊടി ഒരു ടീസ്പൂൺ, മഞ്ഞൾപ്പൊടി അര ടീസ്പൂൺ, വെളുത്തുളളി ഒരു കുടം’ എന്നൊക്കെ ഈ പുസ്തകത്തിന്റെ പുറങ്ങളിലും കാണാനാവുമെങ്കിലും ഇതൊരു സാധാരണ പാചക പാഠപ്പുസ്തകമല്ല; രുചിയുടെ ഓർമപ്പുസ്തകമാണ്. രുചികരമായ ഓർമകളോടെ പാചകം ചെയ്യാനും കഴിക്കാനും കഴിപ്പിക്കാനും ഇതു നിങ്ങളെ സഹായിക്കും.
ഞാൻ കണ്ടതിൽ ഏറ്റവും ധീരനായ പത്രാധിപരാണ് എടത്തട്ട നാരായണൻ. എല്ലാ അർത്ഥത്തിലും അദ്ദേഹം പത്രത്തിന്റെ അധിപനായിരുന്നു. എന്നാലത് ഒരു തേർവാഴ്ചയായിരുന്നുമില്ല. തന്റെ ലളിതജീവിതം ഒരു സമഗ്രദർശനത്തിന്റെ ആവിഷ്ക്കാരമാക്കി തീർക്കുകയാണ് അദ്ദേഹം ചെയ്തത്. അങ്ങനെ ഒരാൾ ഇനി ഈ ഭൂമിയിൽ ഒരു പത്രാധിപരായി ഉണ്ടാകുമെന്ന് എനിക്ക് തോന്നുന്നില്ല;
മലേഷ്യയിലെ പേനാങ്ങിലുള്ള കപ്പൂച്ചിൻ ആശ്രമത്തിലെ സന്ദർശനമുറിയിൽ ഒരു കള്ളുകുപ്പിയുമായി നിൽക്കുന്ന രണ്ട് സന്യാസികളുടെ ചിത്രമുണ്ട്. അതിനൊരു അടിക്കുറിപ്പും: Drink is our enemy. അടുത്തത്, അടിച്ചു കോണായിരിക്കുന്ന അവരുടെ തന്നെ ചിത്രമാണ്. താഴെ ‘Love your enemy’ എന്ന തിരുവചനവുമുണ്ട്!
