Indian Swathanthrya Samara Charithram

ബ്രിട്ടീഷ് കൊളോണിയൽ താല്പര്യങ്ങൾക്കെതിരെ നടന്ന എണ്ണമറ്റ പ്രക്ഷോഭങ്ങളുടെ ആകെത്തുകയാണ് ഇന്ത്യൻ സ്വാതന്ത്ര്യ സമര ചരിത്രം. വിവിധ പ്രദേശങ്ങളിൽ വ്യത്യസ്തരൂപങ്ങളിൽ അരങ്ങേറിയ ഈ പോരാട്ടങ്ങൾ പല രീതിയിലുള്ള ആഖ്യാനങ്ങൾ സൃഷ്ടിച്ചിട്ടുണ്ട്. എന്നാൽ അവയെ വസ്തുനിഷ്ഠമായി വിലയിരുത്തുന്ന പഠനങ്ങൾ വിരളമാണ്. ഇ എം എസിന്റെ ഇന്ത്യൻ സ്വാതന്ത്ര്യ സമര ചരിത്രം അടയാളപ്പെടുത്തുന്ന പ്രധാന വസ്തുത ഇതാണ്. ഇന്ത്യൻ ദേശീയതയുടെ രൂപവൽക്കരണത്തിലേക്കും പരിണാമത്തിലേക്കും നയിച്ച രാഷ്ട്രീയ സാമ്പത്തിക സാമൂഹിക ശക്തികളുടെ ചരിത്രം കൂടിയാണ് ഈ മഹദ്ഗ്രന്ഥം.