N V yude Paristhithi Chinthakal

നാം കടന്നുപോകുന്ന കാലഘട്ടത്തിലെ പുതിയ അറിവുകളെ യഥാകാലം കണ്ടെത്തി, അവയെ മലയാളിയുടെ ബോധമണ്ഡലത്തിലേക്ക് സരളമായ ശൈലിയിൽ സംക്രമിപ്പിച്ച ക്രാന്തദർശിയായിരുന്നു എൻ വി കൃഷ്ണവാരിയർ. ബഹുവിഷയപഠനങ്ങളിലൂടെ നേടിയ അഗാധമായ ശാസ്‌ത്രജ്ഞാനവും സാമൂഹികബോധവും ചരിത്രബോധവും സമന്വയിപ്പിക്കുന്ന സവിശേഷ വിശകലനരീതിയുടെയും വിമർശനാത്മക പ്രബോധനത്തിന്റെയും മലയാളത്തിലെ പ്രതീകമാണ് എൻ വി. അദ്ദേഹമെഴുതിയ യുഗപരിവർത്തനകാഹളങ്ങളായ പഠനങ്ങളിൽ നിന്നു തെരഞ്ഞെടുത്ത, ഇപ്പോഴും പ്രസക്തിയുള്ള നൂറോളം പഠനങ്ങൾ 46 അധ്യായങ്ങളിലായി ഈ കൃതിയിൽ സംവിധാനം ചെയ്‌തിരിക്കുന്നു. ഒപ്പം ജി മധുസൂദന്റെ പണ്ഡിതോചിതമായ ആമുഖപഠനവും.